। अफगानिस्तान र न्युजिल्यान्डले एक खेलको टेष्ट म्याच खेल्ने भएका छन् । यी दुई टिमले पहिलो पटक लामो फर्म्याटको खेलमा एक अर्कासँग भेट गर्न लागेका हुन् ।
यो अफगानिस्तानको १०औं टेष्ट म्याच हो । २०२४ मा भने अफगानिस्तानका लागि यो तेस्रो टेष्ट म्याच हो । यो हालसम्म अफगानिस्तानले टेष्ट मान्यता पाएपछि एक वर्षमा खेलेको सबैभन्दा धेरै टेष्ट म्याच हो ।
अफगानिस्तानका लागि यो पहिलो टेष्ट म्याच हो । जुन अफगानस्तानले आफ्नो होम ग्राउन्ड नोएडा स्पोर्टस कम्प्लेक्समा खेल्ने छ ।
यो टेष्ट म्याच सेप्टेम्बर ९ देखि १३ सम्म हुने तालिका रहेको छ । न्युजिल्यान्डले भने एक महिना पश्चात पुनः भारतसँग ३ खेल सम्मेलित टेष्ट खेल्नेछ । भारतसँग न्युजिल्यानडले अक्टोबर १६ देखि खेल्नेछ ।
न्युजिल्यान्ड भने यसबीचमा श्रीलंकामा पनि टेष्ट खेल्ने तयारीमा रहेको छ । तर श्रीलंकासँगको टेष्टको भने हालसम्म मिति घोषणा भएको छैन ।
न्युजिल्यानडसँग टेष्ट म्याच खेलिसकेपछि इङ्ल्यान्ड, अष्ट्रेलिया, पाकिस्तान र दक्षिण अफ्रिका मात्रै यस्ता देश हुनेछन्, जुन टिमसँग अफगानिस्तानले टेष्ट म्याच खेल्न बाँकी हुनेछ ।
२०२१ मा अष्ट्रेलियाले भने मानवीयताको कारण देखाउँदै अफगानिस्तानसँग टेष्ट खेल्नबाट अस्वीकार गरेको थियो ।
२०२४ मा खेलेका टेष्ट म्याचमा अफगानस्तानले आयरल्यान्ड र श्रीलंकासँग भने हारको सामना गरिसकेको छ ।
हालसम्म अफगानिस्तानले आफ्नो ९ टेष्ट म्याचमा ३ जित र ६ हारको सामना गरेको छ ।
