। फ्रान्समा भइरहेको पेरिस ओलम्पिक अन्तर्गत पुरुष फुटबलको क्वाटरफाइनलका खेलहरु आज हुँदैछ । पहिलो क्वाटरफाइनमा मोरक्कोले अमेरिकासँग खेल्नेछ ।
समूह चरणमा अर्जेन्टिनालाई पराजित गर्दै समूह बी को विजेता बनेको मोरक्को उच्च मनोबलका साथ मैदान उत्रनेछ । यो खेल नेपाली समय अनुसार साँझ ६:४५ बजे पेरिसमा हुनेछ ।
दोस्रो सेमिफाइनलमा एसियाली राष्ट्र जापानले स्पेनको सामना गर्नेछ । यो खेल नेपाली समयअनुसार राति ८:४५ बजे लियोनमा हुनेछ । यस्तै इजिप्ट र पाराग्वेबीचको खेल नेपाली समय अनुसार राति १०:४५ बजे मार्सेमा हुनेछ ।
क्वाटरफाइनलको सबैभन्दा ठूलो खेल आयोजक फ्रान्स र अर्जेन्टिनाबीच हुनेछ । यो खेल नेपाली समय अनुसार मध्यराती १२:४५ बजे बोर्डेक्समा हुनेछ । पुरुष फुटबलमा समूह ए बाट आयोजक फ्रान्ससँगै अमेरिका, समूह बी बाट मोरक्को र अर्जेन्टिना, समूह सी बाट इजिप्ट र स्पेन तथा समूह डी बाट जापान र पाराग्वेले अन्तिम ८ मा स्थान बनाएका हुन् । सेमिफाइनल अगष्ट ५ मा हुनेछ भने फाइनल खेल अगष्ट ९ मा हुनेछ ।
