मुख्य समाचार
क्रिकेटप्रेमी कलाकारसँग प्रधानमन्त्रीको छलफल, फिल्मसँग खेल जोड्न नीतिको सुझाव
क्रिकेटप्रेमी कलाकारसँग प्रधानमन्त्रीको छलफल, फिल्मसँग खेल जोड्न नीतिको सुझाव

। रंगशाला निर्माणबारे छलफल गर्न प्रधानमन्त्री केपी शर्मा ओलीले आइतबार कलाकार र खेलाडीसहितको छलफल बैठक राखे । नेपाल क्रिकेट संघ (क्यान)को संयोजनमा भएको बैठकमा क्रिकेट खेल हुने बेला सामाजिक संजालमा स्टाटस लेखेर सेलिब्रेसन गर्ने कलाकारलाई बोलाइएको थियो ।

नीति शाह, केकी अधिकारी, बद्री पँगेनी, रचना रिमाल, प्रकाश सपुत, मिरुना मगर, राजा राजेन्द्र पोखरेल छलफलमा सहभागि थिए । प्रधानमन्त्री ओलीले क्रिकेट रंगशाला बनाउने कुरामा जनतालाई आशा जगाइ दिन कलाकारलाई आग्रह गरे ।




कलाकार आफ्नो क्षेत्रभन्दा बाहिरका जनतासँग पनि नियमित टचमा रहेको ओलीको भनाई थियो । अभिनेत्री तथा पूर्वमिस नेपाल इन्टरनेसनल नीति शाहले क्रिकेटलाई चलचित्रसँग जोडेर जानुपर्छ भन्ने सुझाव दिएकी थिइन् ।





नीतिले स्पोर्ट्स म्यानेजमेन्ट कोर्स उपलब्ध गराउन सुझाउँदै खेल्न खेल्न विदेश जाँदा खेलाडीलाई भोकेसनल तालिम, अन्तर्वार्ताको शैली सिकाउनेदेखि दोभाषेको ब्यवस्था गर्न आग्रह गरेकी थिइन् ।

‘यसो गर्दा विदेशी खेलाडीले बुझ्न सक्छन् र फ्यान बेस पनि बढ्न सक्छ’ उनले भनिन्, ‘स्कुलमा बच्चैदेखि पाठ्यक्रममा खेलबारे ध्यान दिएर तालिम दिँदा सीप बढ्न सक्छ ।’ मैत्रीपूर्ण खेल प्रतियोगिता आयोजना गर्न पनि उनले आग्रह गरेकी थिइन् । अभिनेत्री मिरुना मगरले पनि मैत्रीपूर्ण खेल कार्यक्रम आयोजना गर्न सकिए पर्यटन प्रवर्धन गर्न सकिने सुझाव दिइन् ।



सहभागि अन्य कलाकारले पनि फिल्मलाई क्रिकेटसँग कसरी जोडेर जान सकिन्छ र रंगशाला बनाउने कुरामा जनतामा कसरी उत्साह जगाउन सकिन्छ भन्ने बारेमा प्रधानमन्त्री ओलीलाई सुझाव दिएका थिए ।

प्रधानमन्त्री ओलीले छलफलमा सहभागि भएका कलाकारलाई प्रधानमन्त्री कार्यालयबाट पत्र लेखेरै धन्यवाद दिएका छन् । शाहले यो पत्र इन्स्टाग्राममा सेयर गर्दै खुसी व्यक्त गरेकी छन् । ‘छोटो समयको निमन्त्रणामा आज तपार्इं आउनुभयो, म धेरै खुसी छु’ पत्रमा उल्लेख छ ।

प्रतिक्रिया दिनुहोस्
अन्य समाचारहरु
। अष्ट्रेलियाली पूर्वक्रिकेटर तथा चर्चित ब्याट्सम्यान डेभिड वार्नर फिल्म क्षेत्रमा देखिने भएका छन् । वार्नरले भारतको तेलुगु फिल्म निर्देशक भेन्की कुदुमुलाको आगामी एक्सन ड्रामा ‘रोबिन हुड’बाट डेब्यु गर्दैछन् । वार्नरले सोसल मिडिया प्लाटफर्म एक्समा पोस्ट सेयर गर्दै यसबारे जानकारी दिएका हुन् । जसमा उनले फिल्ममा काम गर्न निकै उत्साहित रहेको बताएका छन् । यो फिल्मलाई मैत्री मूभि ...
— ९७ औं संस्करणको ओस्कर (एकेडेमी अवार्ड) पुरस्कार वितरण समारोह सोमबार लस एन्जलसको डल्बी थिएटरमा जारी छ । समारोहमा विभिन्न विधामा उत्कृष्ट फिल्म र अभिनेताहरु घोषणा भएका छन् । यसै क्रममा फिल्म 'अनोरा'ले उत्कृष्ट फिल्म, उत्कृष्ट निर्देशन, उत्कृष्ट अभिनेत्री, उत्कृष्ट सम्पादन र उत्कृष्ट मौलिक पटकथा गरी ५ विधामा ओस्कर अवार्ड हात पारेको छ । मिकी मेडिसनले फिल्म ...
— ९७ औं संस्करणको ओस्कर (एकेडेमी अवार्ड) पुरस्कार वितरण समारोह लस एन्जलसको डल्बी थिएटरमा जारी छ । समारोहमा विभिन्न विधामा उत्कृष्ट फिल्म र अभिनेताहरु घोषणा भइरहेका छन् । वाल्टर सेलिजको फिल्म 'आई एम स्टिल हेयर'ले बेस्ट इन्टरनेसनल फिचर फिल्मको अवार्ड पाएको छ । उत्कृष्ट सिनेमाटोग्राफी फिल्म 'द ब्रुटलिस्ट' का लागि लोल क्रलीले पाएका छन् । लाइभ एक्सन सर्ट ...
— ९७ औं संस्करणको ओस्कर (एकेडेमी अवार्ड) पुरस्कार वितरण समारोह लस एन्जलसको डल्बी थिएटरमा जारी छ । समारोहमा विभिन्न विधामा उत्कृष्ट फिल्म र अभिनेताहरु घोषणा भइरहेका छन् । यसैक्रममा उत्कृष्ट मेकअप र हेयर स्टाइलिङको ओस्कर अवार्ड कोरली फारगेटको फिल्म 'द सब्सटेन्स'ले पाएको छ । उत्कृष्ट साउन्ड र भिजुअल इफेक्ट्स गरी दुई विधाको ओस्कर अवार्ड फिल्म 'डुन: पार्ट ...
— ९७ औं संस्करणको ओस्कर (एकेडेमी अवार्ड) पुरस्कार वितरण समारोह लस एन्जलसको डल्बी थिएटरमा जारी छ । समारोहमा विभिन्न विधामा उत्कृष्ट फिल्महरु घोषणा भइरहेका छन् । अभिनेता कीरन कल्किनले फिल्म 'अ रियल पेन' फिल्मबाट उत्कृष्ट सहअभिनेताको पुरस्कार उचालेका छन् भने अभिनेत्री जो साल्डानाले फिल्म 'इमिलिया पेरेज'बाट उत्कृष्ट सहअभिनेत्रीको पुरस्कार उचालेकी छन् । उत्कृष्ट फिल्म सम्पादनको अवार्ड फिल्म ...