मुख्य समाचार
बालगायक अमिर गजमेरको बैंगलोरमा शास्त्रीय गायन, शंकर महादेवन बने मन्त्रमुग्ध
बालगायक अमिर गजमेरको बैंगलोरमा शास्त्रीय गायन, शंकर महादेवन बने मन्त्रमुग्ध

। भारतीय गायक तथा संगीतकार शंकर महादेवनले आइतबार बैंगलोरमा आफ्ना विश्वभरिका १० जना उत्कृष्ट विद्यार्थीलाई मञ्चमा उतारे । सोही क्रममा नेपाली मूलका बालगायक अमिर गजमेरले पनि शंकर महादेवन र भारतका अन्य अग्रज संगीतकर्मीमाझ शास्त्रीय गायन प्रस्तुत गरे ।

हाल अमेरिकामा बसोबास गर्ने ११ वर्षीय अमिरले राग भीमपलासी एकल रुपमा प्रस्तुत गरे भने राग चारुकेशी युगल प्रस्तुत गरे । अमिरले गाउँदा उपस्थित संगीतप्रेमीहरुले तालीको गडगडाहट दिए ।




उनका गुरु समेत रहेका शंकर महादेवनले पनि उनको गायकीको खुलेर प्रशंसा गरे । अमिरको भ्वाइस टेक्सचर, उच्चारण र गायकीको महादेवनले निकै प्रशंसा गरेको उनका बुबा पुष्प गजमेरले अनलाइनखबरलाई बताए ।





‘अमिरको नेचुरल भ्वाइसले सबैलाई तान्छ । सुफी र गजल गायनका लागि अझ स्विटेबल भ्वाइस छ । भविष्यमा पनि यस्तै राम्रो गर्दै जानू, शुभकामना छ,’ महादेवनको भनाइ उद्धृत गर्दै गजमेरले भने ।

शास्त्रीय गायन प्रस्तुत गरिसकेपछि अमिरले आफ्ना गुरु महादेवन सहित भारतीय संगीतकर्मीलाई चिनो स्वरुप नेपाली ढाकाटोपी लगाइदिए । त्यसक्रममा अमिरले राजेशपायल राईको स्वरमा रहेको गीत ‘नमाग मसँग’ समेत गाएर सुनाए ।



शंकर महादेवन एकेडेमीले प्रत्येक वर्ष आफ्ना उत्कृष्ट १० विद्यार्थी छनोट गरेर शास्त्रीय गायन कार्यक्रम गर्दै आएको छ । यस वर्ष पनि भारत लगायत विभिन्न देशबाट छनोट भएका विद्यार्थीले मञ्चमा प्रस्तुति दिएका हुन् ।

अमिर चार वर्षदेखि शंकर महादेवनसँग शास्त्रीय संगीत सिकिरहेका छन् । नेपाली गीत-संगीतमा विशेष लगाव राख्ने अमिर बैंगलोरको कार्यक्रममा जानुअघि नेपाल घुमघाममा थिए । काठमाडौंमा रहँदा उनले केही नेपाली गीत समेत रेकर्ड गराएका थिए ।

प्रतिक्रिया दिनुहोस्
अन्य समाचारहरु
। अष्ट्रेलियाली पूर्वक्रिकेटर तथा चर्चित ब्याट्सम्यान डेभिड वार्नर फिल्म क्षेत्रमा देखिने भएका छन् । वार्नरले भारतको तेलुगु फिल्म निर्देशक भेन्की कुदुमुलाको आगामी एक्सन ड्रामा ‘रोबिन हुड’बाट डेब्यु गर्दैछन् । वार्नरले सोसल मिडिया प्लाटफर्म एक्समा पोस्ट सेयर गर्दै यसबारे जानकारी दिएका हुन् । जसमा उनले फिल्ममा काम गर्न निकै उत्साहित रहेको बताएका छन् । यो फिल्मलाई मैत्री मूभि ...
— ९७ औं संस्करणको ओस्कर (एकेडेमी अवार्ड) पुरस्कार वितरण समारोह सोमबार लस एन्जलसको डल्बी थिएटरमा जारी छ । समारोहमा विभिन्न विधामा उत्कृष्ट फिल्म र अभिनेताहरु घोषणा भएका छन् । यसै क्रममा फिल्म 'अनोरा'ले उत्कृष्ट फिल्म, उत्कृष्ट निर्देशन, उत्कृष्ट अभिनेत्री, उत्कृष्ट सम्पादन र उत्कृष्ट मौलिक पटकथा गरी ५ विधामा ओस्कर अवार्ड हात पारेको छ । मिकी मेडिसनले फिल्म ...
— ९७ औं संस्करणको ओस्कर (एकेडेमी अवार्ड) पुरस्कार वितरण समारोह लस एन्जलसको डल्बी थिएटरमा जारी छ । समारोहमा विभिन्न विधामा उत्कृष्ट फिल्म र अभिनेताहरु घोषणा भइरहेका छन् । वाल्टर सेलिजको फिल्म 'आई एम स्टिल हेयर'ले बेस्ट इन्टरनेसनल फिचर फिल्मको अवार्ड पाएको छ । उत्कृष्ट सिनेमाटोग्राफी फिल्म 'द ब्रुटलिस्ट' का लागि लोल क्रलीले पाएका छन् । लाइभ एक्सन सर्ट ...
— ९७ औं संस्करणको ओस्कर (एकेडेमी अवार्ड) पुरस्कार वितरण समारोह लस एन्जलसको डल्बी थिएटरमा जारी छ । समारोहमा विभिन्न विधामा उत्कृष्ट फिल्म र अभिनेताहरु घोषणा भइरहेका छन् । यसैक्रममा उत्कृष्ट मेकअप र हेयर स्टाइलिङको ओस्कर अवार्ड कोरली फारगेटको फिल्म 'द सब्सटेन्स'ले पाएको छ । उत्कृष्ट साउन्ड र भिजुअल इफेक्ट्स गरी दुई विधाको ओस्कर अवार्ड फिल्म 'डुन: पार्ट ...
— ९७ औं संस्करणको ओस्कर (एकेडेमी अवार्ड) पुरस्कार वितरण समारोह लस एन्जलसको डल्बी थिएटरमा जारी छ । समारोहमा विभिन्न विधामा उत्कृष्ट फिल्महरु घोषणा भइरहेका छन् । अभिनेता कीरन कल्किनले फिल्म 'अ रियल पेन' फिल्मबाट उत्कृष्ट सहअभिनेताको पुरस्कार उचालेका छन् भने अभिनेत्री जो साल्डानाले फिल्म 'इमिलिया पेरेज'बाट उत्कृष्ट सहअभिनेत्रीको पुरस्कार उचालेकी छन् । उत्कृष्ट फिल्म सम्पादनको अवार्ड फिल्म ...