। साउथ सुपरस्टार विक्रमको शीर्ष भूमिका रहेको तामिल-एक्सन-एड्भेन्चर फिल्म ‘ थङ्गलान : द सन् अफ गोल्ड’लाई नेपाली दर्शकले पनि हेर्न पाउने भएका छन् ।
ब्यांकटेस इन्टरटेनमेन्टले यो फिल्मलाई साउन ३१ गते नेपालमा रिलिज गर्न लागेको हो । यसअघिको ब्लकबस्टर साउथ फिल्म ‘केजीएफ’को सत्य कथामा आधारित रहेको भनिएको यो फिल्म दर्शकको पर्खाइमा छ ।
पा रन्जित निर्देशित फिल्ममा विक्रमसँगै माल्भिका मोहनन्, पार्वती थिरुवुथु, ड्यानियल काल्टागिरोन लगायतको प्रमुख अभिनय छ । भारतमा बेलायती उपनिवेशको समयमा एक उग्र आदिवासी नेता थाङ्गालनको कथा यसले भन्छ ।
आफ्नो गाउँमा सुनको खोजीका लागि ब्रिटिस सेनापति लर्ड क्लेमेन्टलाई सहयोग गर्न ऊ क्रोधित हुँदै जादूगर आरतीलाई रोक्न निस्कन्छ । यो फिल्म भारतीय स्वतन्त्रता संग्रामको छेकोमा विश्वभर १५ अगस्टमा प्रदर्शन हुन लागेको हो । विक्रमले थाङ्गलन र माल्भिकाले मोहननको भूमिकामा अभिनय गरेका छन् ।
