। इन्जुरी टाइममा गोल खाएपछि म्यानचेष्टर युनाइटेड प्रिमियर लिगमा शनिबार ब्राइटनसँग २-१ ले पराजित भएको छ ।
बराबरीतर्फ अग्रसर खेलको इन्जुरी समयको पाँचौ मिनेटमा जाआओ पेड्रोले विजयी गोल गरे ।
त्यसअघि डानी वेलब्याकले खेलको ३२औं मिनेटमा गोल गर्दै घरेलु टोली ब्राइटनलाई अग्रता दिलाएका थिए ।
तर ६०औं मिनेटमा युनाइटेडका अबमाद दियालोले बराबरी गोल फर्काए । ७०औं मिनेटमा युनाइटेडका जिर्कीले गोल गरेपनि भीएआरले मान्यता नदिँदा युनाइटेडले अग्रता लिने अवसर गुमाएको थियो ।
तर इन्जुरी टाइममा पेड्रोले गोल गरेपछि ब्राइटन ३ अंक जोड्न सफल भयो ।
लगातार दोस्रो जितपछि ब्राइटन दुई खेलबाट ६ अंक जोडेर शीर्ष स्थानमा उक्लेको छ । नयाँ सिजन पहिलो खेलमा जित हात पारेको युनाइटेडको यो पहिलो हार हो ।
