। साफ महिला च्याम्पियनसिप २०२४ को पहिलो खेलमा नेपालले भुटानसँग प्रतिस्पर्धा गर्ने भएको छ।
दक्षिण एसियाली फुटबल महासंघ (साफ) ले बुधबार सार्वजनिक गरेको खेल तालिकाअनुसार नेपाल समूह बी मा परेको छ ।
जहाँ नेपालले पहिलो खेल दशरथ रंगशालामा भुटानसँग अक्टोबर १८ मा खेल्नेछ । समूह बीमा नेपाल र भुटानसँगै श्रीलंका र माल्दिभ्स पनि छन्।
नेपालले दोस्रो खेल अक्टोबर २१ मा माल्दिभ्ससँग खेल्नेछ । नेपालले समूहको तेस्रो खेल अक्टोबर २४ मा श्रीलंकासँग खेल्नेछ ।
साविक विजेता बंगलादेशसहित भारत र पाकिस्तान समूह ए मा छन् । भारत र पाकिस्तानबीचको पहिलो खेल अक्टोबर १७ मा हुनेछ ।
दुवै समूहको शीर्ष दुई टोली सेमिफाइनल प्रवेश गर्नेछन् । फाइनल खेल अक्टोबर ३० मा हुनेछ ।
