: राजधानीमा जारी एन्फा महिला लिगमा कोशी प्रदेशले लगातार तेस्रो जित हासिल गरेको छ। सातदोबाटोस्थित एन्फा कम्प्लेक्समा आइतबार भएको खेलमा कर्णाली प्रदेशलाई ४-० गोल अन्तरले पराजित गर्दै कोशी लगातार जित दर्ता गर्न सफल भएको हो।
जितसँगै ९ अंकका साथ कोशी तालिकाको शीर्ष स्थानमा कायमै छ। कोशीलाई जित दिलाउन पुर्णिमा राईले खेलको ३४ र ७१ औं मिनेटमा गोल गरेकी थिइन्। त्यस्तै समीक्षा मगरले खेलको ६६ औं मिनेट र प्रतीक्षा राईले ७४ मिनेटमा कोशीका लागि १-१ गोल गरेकी थिइन्।
कोशीले पहिलो खेलमा वालिङ नगरपालिकालाई ४-० र बागमती युथ क्लबलाई २-१ ले पराजित गरेको थियो।
कर्णालीले भने पहिलो खेलमा चन्द्रपुर नगरपालिकासँग १-१ को बराबरी खेल्दै अंक बाँडेको थियो भने दोस्रो खेलमा वालिङ नगरपालिकासँग ४-० को फराकिलो हार व्यहोरेको थियो। लिगमा कणालीको १ अंक रहेको छ। अखिल नेपाल फुटबल संघ (एन्फा)को आयोजनामा जारी लिगमा १० टोलीको सहभागिता रहेको छ।
