मुख्य समाचार
सुखद् अकुपेन्सीसहित ‘शाम्बाला’ रिलिज, ‘अस्कर इफेक्ट’ले फाइदा पुग्ला ?
सुखद् अकुपेन्सीसहित ‘शाम्बाला’ रिलिज, ‘अस्कर इफेक्ट’ले फाइदा पुग्ला ?

। मीनबहादुर भाम निर्देशित फिल्म ‘शाम्बाला’ले शुक्रबार नेपालमा सुखद् अकुपेन्सीसहित प्रदर्शनको थालनी गरेको छ । यो फिल्म काठमाडौं उपत्यकाका ९ र उपत्यकाबाहिरका ३९ हलमा प्रदर्शनमा आएको छ ।

काठमाडौं उपत्यकाका हलले मात्रै झण्डै ६० शो दिएका छन् । प्रदर्शनको पहिलो दिन शुक्रबार बिहान मुख्य मल्टिप्लेक्समा फिल्मको अकुपेन्सी ५० प्रतिशत हाराहारीमा रह्यो । अपरान्ह र बेलुकीको शोमा अकुपेन्सी बढेर शतप्रतिशत हुने अनुमान छ ।




विशेषगरी क्यूएफएक्सको छाया सेन्टर र लाबिम हलमा अकुपेन्सी बढी छ । चावहिलको केएल टावरस्थित एफक्युब सिनेमाजमा पनि अपरान्ह र बेलुकीका शो खचाखच हुने देखिएका छन् । तर नियमितजसो नेपाली फिल्मको अकुपेन्सी राम्रो हुने अन्य हलमा भने ‘शाम्बाला’ले दर्शक तान्न सकेको देखिएको छैन ।

पोखरा र चितवनका हलमा अकुपेन्सी ३० प्रतिशत हाराहारीमा छ । अपरान्ह र बेलुकीका शो ती सहरमा केही बढ्ने अनुमान छ । बलियो वर्ड अफ माउथ र नयाँ ठूला फिल्म नआउँदाको फाइदा यो फिल्मलाई पुग्ने अनुमान छ । आगामी अस्कर अवार्डमा यो फिल्मले नेपालको प्रतिनिधित्व गर्ने खबरपछि फिल्मले थप दर्शकलाई तान्न सक्ने अनुमान छ ।



अस्करमा जाने निश्चित भएलगत्तै फिल्मले पोस्टर पनि सार्वजनिक गरेको छ । विगतमा केही फिल्म अस्करमा सिफारिस भएपछि पुनः प्रदर्शनमा आएको इतिहास छ । अस्कर इफेक्टले फिल्मलाई केही हदसम्म फाइदा पुग्न सक्ने देखिन्छ । भारतीय कलाकार नवाजुद्दिन सिद्दिकी र अनुराग कश्यपको नेपाल भ्रमणले पनि फिल्मलाई प्रवर्द्धनमा फाइदा पुग्ने अनुमान छ ।

शुक्रबारदेखि क्यूएफएक्स बाहेकका हलमा शाहरुख खान, प्रीति जिन्टा र रानी मुखर्जी स्टारर बलिउड फिल्म ‘वीरजारा’को पुनः प्रदर्शन सुरु भएको छ । यो फिल्म २० वर्षपछि फेरि हलमा रिलिज भएको हो ।

शुक्रबारदेखि जापानी एनिमेटेड फिल्म ‘डिटेक्टिभ कोनान : द मिलियन डलर पेन्टाग्राम’ पनि प्रदर्शनमा आएको छ । केस क्लोज्ड फिल्म श्रृंखलाको यो २० औं श्रृंखला हो जसलाई हिगा नाकाओगाले निर्देशन गरेका हुन् ।

प्रतिक्रिया दिनुहोस्
अन्य समाचारहरु
। गोल्डेन ग्लोब अवार्ड विजेता हलिउड अभिनेता टेरेन्स स्ट्याम्पको ८७ वर्षको उमेरमा आइतबार निधन भएको छ । टेरेन्स ‘सुपरम्यान’ फ्रान्चाइजीको खलपात्र जनरल डजको भूमिकामा परिचित छन् । यसबाहेक, उनी द हन्टेड मेन्सन र मर्डर मिस्ट्रीजस्ता लोकप्रिय फिल्ममा देखा परे । स्ट्याम्पको परिवारले मृत्युको बारेमा आधिकारिक नोट जारी गरेको छ । त्यसमा लेखिएको छ, ‘टेरेन्स स्ट्याम्प एक अभिनेता ...
— सुपरस्टार म्याडोनाले पोप लियो चौधौंलाई तत्काल गाजाको यात्रा गर्न र त्यहाँका बालबालिकाको जीवनरक्षा गर्न आग्रह गरेकी छन् । सोमबार सामाजिक सञ्जालमा अपिल पोस्ट गर्दै उनले पोपलाई त्यस्तो आग्रह गरेकी हुन् । छोरा रोक्कोको जन्मदिनले उनलाई त्यो पोस्ट गर्न प्रेरित गरेको समेत म्याडोनाले उल्लेख गरेकी छन् । रोक्को सोमबार २५ वर्षका लागेका छन् । ‘परम आदरणीय फादर, कृपया गाजामा जानुहोस् ...
: काठमाडौंको बौद्धमा सोमबार रोपाई जात्रा धुमधामका साथ सम्पन्न भएको छ। हरेक वर्ष गाईजात्राको भोलिपल्ट बौद्धमा रोपाई जात्रा गर्ने गरिन्छ। प्रताप मल्लको पालाबाट बनाइँदै आएको रोपाई जात्रालाई आफूहरूले निरन्तरता दिँदै आएको स्थानीयहरूको भनाइ छ। झाँकीसहितको जात्रामा बौद्ध परिसरबाट रोपाई सुरु गरेर बौद्ध परिक्रमासँगै बौद्ध पिपलबोटदेखि टुसालसम्म पुगेको थियो। बौद्धको रोपाइँ जात्रामा खेतमा छ्यापेको हिलोको प्रतीकका रूपमा ...
। बलिउड अभिनेता दीपराज राणाले नेपाली फिल्म ‘सुख दुःख’मा अभिनय गर्ने भएका छन् । निर्मात्री नीता ढुङ्गानासँग उनले लिखित सम्झौता गरेका छन् । सिंघम रिटन्र्स, प्रेम रतन धन पायो, दबङ ३ सहित हालै रिलिज भएको ‘मेट्रो इन दिनो’मा उनको अभिनय छ । बिल्ली उस्ताद, सितारे जमीन परजस्ता फिल्ममा पनि अभिनय गरेका छन् । उनले यसअघि श्रीकृष्ण श्रेष्ठ ...
। विश्वचर्चित फिल्म ‘स्पाइडर-म्यान’को नयाँ श्रृंखलाको छायांकन ग्लास्गोमा सुरु भएको छ । प्राप्त भिडियो र तस्वीरमा अभिनेता टम हल्याण्डले छायांकन थलोमा प्रशंसकलाई भेटिरहेको देखिन्छ । नयाँ श्रृंखलाको नाम ‘स्पाइडर-म्यान : ब्राण्ड न्यू डे’ राखिएको छ । स्कटल्याण्डमा छायांकन भएको अभिनेता हल्याण्डको यो लगातार दोस्रो फिल्म हो । उनी गत महिना इन्भरनेस र मोरे वरपरका विभिन्न स्थानमा क्रिस्टोफर ...