। इंग्लिस प्रिमियर लिगमा आर्सनलले टोटनह्याममाथि महत्वपूर्ण जित हात पारेको छ ।
आइतबार भएको खेलमा आर्सनलले गाब्रियलको गोलको मदतमा टोटनह्यामलाई १–० को जित निकालेको हो । टोटनह्यामको घरेलु मैदानमा भएको खेलको पहिलो हाफ बराबरीमा रोकिएको थियो, तर दोस्रो हाफको ६४औं मिनेटमा साकाको पासमा गाब्रियलले हेड गोल गरेका हुन् ।
जितसँगै आर्सनल ४ खेलबाट १० अंकका साथ दोस्रो स्थानमा उक्लिएको छ । १२ अंक जोडेको म्यानेचष्टर सिटी शीर्ष स्थानमा छ ।
