। आगामी महिना पपस्टार लेडी गागाले दुई एल्बम ल्याउने देखिन्छ । अर्को महिना सातौं स्टुडियो एल्बम ल्याउने घोषणा गरेकी गागाले मंगलबार नयाँ एल्बम ‘हार्लेक्वीन’ ल्याउने जनाएकी छन् ।
असोज १८ गते नेपालमा समेत रिलिज हुन लागेको फिल्म ‘जोकर २’ मा समावेश साउन्ड-ट्रयाकलाई समावेश गरी गागाको नयाँ एल्बम आउन लागेको हो । यो फिल्ममा गागाले ‘हार्लेक्वीन’ नामक भूमिका निर्वाह गरेकी छन् ।
असोज ११ मा रिलिज तयारीमा रहेको यो एल्बममा १३ गीत समावेश छन् । ‘म मेरो अन्तर्वार्ताको लागि तयार छु’ क्याप्सन लेख्दै गागाले प्रशंसकलाई एल्बम ल्याउन लागेकोबारे जानकारी दिएकी छन् ।
‘जोकर : फोली अ ड्युक्स’ फिल्ममा ग्रामी र अस्कर विजेता यी पपस्टारले अभिनेता ज्याक्विन फिनिक्ससँग स्क्रिन सेयर गरेकी छिन् । हलिउड सञ्चारमाध्यमका अनुसार गागाले ल्याउन लागेको एल्बममा निम्नानुसारका गीत समावेश हुनेछन् ।
१. गुड मर्निङ
२. गेट ह्याप्पी (२०२४)
३. ओ, ह्वेन द सेन्ट्स
४. वर्ल्ड अन अ स्ट्रिङ
५. इफ माइ फ्रेन्ड्स कुड सी मी नाउ
६. द्याट्स इन्टरटेनमेन्ट
७. स्माइल
८. द जोकर
९. फोली अ ड्युक्स
१०. गोन्ना बिल्ड अ माउण्टेन
११. क्लोज टु यू
१२. ह्याप्पी मिस्टेक
१३. द्याट्स लाइफ
