। घरेलु टोली नामिवियाले आईसीसी विश्वकप लिग–२ मा युएईलाई ८ विकेटले हराएको छ ।
१९१ रनको लक्ष्य नामिबियाले २८.५ ओभरमा २ विकेट गुमाउँदै पूरा गर्यो । ओपनर माइकल भान लिंगेनले ४३ बलमा १२ चौका र २ छक्कासहित ६७ तथा जेपी कोट्जी ४० रनमा आउट भए ।
कप्तान जेराल्ड इरास्मस ४६ बलमा ६ चौका र ३ छक्कासहित ५९ तथा जेन ग्रीन २१ रनमा नट आउट रहे । युएईका बासिल हामिद र विष्णु सुकुमारनले १-१ विकेट लिए ।
त्यसअघि विन्डहोकमा टस हारेर पहिला ब्याटिङको निम्तो पाएको युएई १९० रनमा अल आउट भएको थियो । युएईका अली नासिरले ६२ बलमा ७ चौका र २ छक्कासहित ६१ रन बनाए । एलिसान सराफु ३१, अर्यांश शर्मा डक, मोहम्मद वासिम १, विष्णु सुकुमारन ३०, आसिफ खान २६ र बासिल हामिद १३ रनमा आउट भए ।
नामिबियाका जेजे स्मितले ३, टांगेनी लुंगामेनी र बेनार्ड स्कोल्ट्जले २–२ विकेट लिए ।
यो जितले लिग २ को अंक तालिकामा नामिबिया १२ खेलमा ५ मा जित र ७ मा हारसहित १० अंकका साथ चौथो स्थानमा छ । युएई ७ खेलमा १ मा जितसहित पुछारमा छ । नेपाल ८ खेलमा १ मा जितसहित ३ अंकका साथ सातौं स्थानमा छ ।
क्यानडा ११ खेलमा ७ मा जितसहित १४ अंकका साथ शीर्ष स्थानमा छ । समान ८ खेलमा १२–१२ अंक भएपनि नेटरनरेटका कारण अमेरिका दोस्रो र नेदरल्यान्ड्स तेस्रो स्थानमा छन् ।
