मुख्य समाचार
मनसुनी प्रणाली नेपालमा कमजोर हुँदै
मनसुनी प्रणाली नेपालमा कमजोर हुँदै

। वर्षा गराउने मनसुनी प्रणाली नेपालमा कमजोर हुँदै गएको छ । त्यसैले अब विगतको जस्तो ठूलो वर्षा नहुने मौसमविद्को भनाइ छ ।

सुदूरपश्चिम प्रदेशबाट त केही दिनमै मनसुन बाहिरिनसक्ने सम्भावना छ । तर देशभरबाट पूर्णरुपमा मनसुन बाहिरिने सम्भावना भने तत्काल छैन ।




‘अन्य प्रदेशको तुलनामा सुदूरपश्चिम र कर्णालीका हिमाली र पहाडी जिल्लामा मौसम सफा छ । धेरैले धान काट्ने, भित्राउने गर्न थाल्यौं भन्नुभएको छ,’ मौसमविद् प्रतिभा मानन्धरले भनिन्, ‘हाम्रो सिस्टमले पनि सुदूरपश्चिम र कर्णालीमा छिट्टै मनसुन बाहिरिने सम्भावना रहेको देखाउँछ ।’

पूर्वी नेपालबाट भित्रिने मनसुन पश्चिमबाट बाहिरिन सुरु गर्दछ । पूर्वी वायु अर्थात् मनसुनी वायुलाई पश्चिमी वायुले प्रतिस्थापन गर्‍यो भने मनसुन बाहिरिएको भनिन्छ ।




सुदूरपश्चिम र कर्णालीमा मनसुनी वायु कमजोर भए पनि अन्य प्रदेशमा मनसुनी वायुलाई धकेल्न सकेको देखिँदैन । त्यसैले लुम्बिनीदेखि पश्चिमतिर मनसुनको प्रभाव कायमै देखिन्छ ।

गत २४ घण्टामा लुम्बिनीको दाङ घोराही र कोशी प्रदेशको झापा दमकमा भारी वर्षा पनि भएको छ । काठमाडौंको बुढानीलकण्ठमा मध्यम खालको वर्षा भएको छ ।

हल्का खालको वर्षा त लुम्बिनी, गण्डकी, बागमती र कोशी प्रदेशका धेरै जिल्लामा भएको छ । यी प्रदेशहरुमा लगभग यस्तै अवस्था आज पनि रहने पूर्वानुमान छ ।

भारतको त्यो नक्सा

मनसुन बाहिरिने क्रममा भारतको मध्यप्रदेश, उत्तराखण्ड हुँदै नेपालको सुदूरपश्चिममा पश्चिमी वायु प्रवेश गर्दछ । भारतको मौसम विज्ञान विभागले सेप्टेम्बर २३ तारिक (असोज ७ गते) देखि नै भारतका विभिन्न स्थानबाट मनसुन बहिर्गमन सुरु भइसकेको जनाएको छ ।

उसले जारी गरेको अद्यावधिक नक्सामा अरब सागरको केही भाग र मध्य प्रदेशका केही भागबाट मनसुन बाहिरिएको देखिन्छ । यसक्रममा उत्तरप्रदेशका केही भाग, पन्जाब, हरियाणा जम्मुकाश्मिर, हिमाञ्चल र उत्तराखण्डका केही भागबाट मनसुन बाहिरिसकेको छ ।

भारतको मौसम विभागले सार्वजनिक गरेको आफ्नो नक्सामा नेपालको सुदूरपश्चिमका केही भागबाट पनि मनसुन बाहिरिएको देखाइएको छ । तर नेपालका मौसमविद्हरु भने यो कुरामा सहमत छैनन् ।

नेपालको जल तथा मौसम विज्ञान विभागका मौसमविदले नेपालमा मनसुन कायमै रहेको जानकारी भारतीय मौसमविद्हरुलाई गराएका छन् ।



मौसमविद् प्रतिभा मानन्धरले भनिन्, ‘भारतको मौसम विज्ञान विभागले नक्सामा देखाएको जस्तो नेपालबाट मनसुन बाहिरिन अझै सुरु भएको छैन । यसबारेमा हामीले भारतीय मौसमविद्हरुलाई भनिसकेका पनि छौं ।’

त्रिभुवन विश्वविद्यालयको जल तथा मौसम केन्द्रीय विभागका सहप्राध्यापक डा. विनोद पोखरेलले पनि नेपालको भूभागबाट मनसुन बाहिरिएको देखिने भारतको नक्सामा असहमति जनाएका छन् । उनका अनुसार नेपालको पश्चिमी भूभागमा पूर्वी हावा कायमै छ ।

मनसुन दशैंभरि रहने भएकाले बेला-बेला हल्कादेखि मध्यम वर्षा हुने सम्भावना रहने उनको भनाइ छ ।

प्रतिक्रिया दिनुहोस्
अन्य समाचारहरु
। अमेरिकी अन्तरिक्ष संस्था नासाले ‘अक्सियम मिसन-४’ अन्तर्गत अन्तरिक्षबाट फर्किंदै गरेका अन्तरिक्ष यात्रीहरूको प्रस्थान प्रत्यक्ष प्रसारण गर्ने घोषणा गरेको छ । नासाको सहकार्यमा सञ्चालित ‘अक्सियम मिसन-४’ एक निजी अन्तरिक्ष अभियान हो, जसमा चार अन्तरिक्ष यात्री अन्तर्राष्ट्रिय अन्तरिक्ष केन्द्र (अअस) मा १७ दिन बसेर वैज्ञानिक अनुसन्धान गरेका थिए । यो मिशन सन् २०२५ जुन २५ मा स्पेस एक्सको ...
: नेपाल विद्युत् प्राधिकरणले ऊर्जा सुरक्षाका लागि पम्प स्टोरेज आयोजना अघि बढाउने भएको छ । प्राधिकरणले ५९४ मेगावाट पम्प स्टोरेज आयोजनाको पूर्वसम्भाव्यता अध्ययनका लागि लाइसेन्स आवेदन गरेको जनाएको हो । प्राधिकरणका कार्यकारी निर्देशक हितेन्द्रदेव शाक्यले दुई पम्प स्टोरेज आयोजनाको अध्ययनका लागि ऊर्जा मन्त्रालयमा आवेदन दिएको बताएका हुन् । प्राधिकरणमा आफ्नो एक सय दिनको समीक्षा गर्दै उनले पम्प स्टोरेज अघि ...
— हुम्लाका तीन स्थानीय तहका विभिन्न बस्तीमा टेलिफोन सेवा अवरुद्ध भएको छ । खार्पुनाथ, सर्केगाड र चङ्खेली गाउँपालिकामा रहेका विभिन्न वडाका बस्तीमा टेलिफोन सेवाले काम नगर्दा यहाँका सेवाग्राही मर्कामा परेका छन् । खार्पुनाथ गाउँपालिका–१ को पिउस, बोच्चेगौडा, सुनखाडासहित वडा नं ३ को राया, कारङ्गालगायत बस्तीमा यतिबेला टेलिफोन सेवा अवरुद्ध भएको स्थानीय शान्ति शाहीले बताइन् । ...
: राष्ट्रिय विपद् व्यवस्थापन परिषदले विपद् जोखिमलाई ध्यान दिँदै मौसम पूर्वानुमानपछिको पूर्वसूचनालाई प्रभावकारी बनाउने लगायतका आवश्यक सतर्कता अपनाउने निर्णय गरेको छ। कार्यवाहक प्रधानमन्त्री प्रकाशमान सिंहको अध्यक्षतामा आज सहरी विकास मन्त्रालयमा बसेको परिषदको बैठकले केही दिनयता देशका धेरै स्थानमा भइरहेको वर्षापछिको सम्भावित जोखिमलाई ध्यान दिँदै यस्तो निर्णय गरेको हो। परिषदको बैठकले जोखिम भएको ठाउँमा रातको समयमा ...
। सञ्‍चार तथा सूचना प्रविधिमन्त्री पृथ्वीसुब्बा गुरूङले चैत मसान्तसम्म सामाजिक सञ्जालहरू दर्ता नभए बन्‍द गर्ने चेतावनी दिएका छन् । रुपन्देहीमा आयोजित फोनिजको ८औं महाधिवेशनलाई सम्बोधन गर्दै उनले सामाजिक सञ्जालले नेपालमा दर्ता नगरे बन्द गर्ने चेतावनी दिए । उनले भने, ‘हामीले मेटालाई दर्ताको सूचना दिएको २ महिना भैसक्यो । तर, कुनै जवाफ आएको छैन । चैत मसान्तसम्म ...