मुख्य समाचार
१० प्रतिशत कर्मचारी कटौती गर्ने बोइङको निर्णय, १७ हजारले जागिर गुमाउने
१० प्रतिशत कर्मचारी कटौती गर्ने बोइङको निर्णय, १७ हजारले जागिर गुमाउने

। विश्वकै प्रतिष्ठित हवाइजहाज निर्माता कम्पनी बोइङले आफ्ना १० प्रतिशत कर्मचारी कटौती गर्ने निर्णय गरेको छ ।

बीबीसीका अनुसार कम्पनीको यो निर्णयबाट करिब १७ हजार कर्मचारीले जागिर गुमाउने छन् । बोइङको यो निर्णयले यसको उत्पादन क्षमता पनि प्रभावित हुनेछ ।


कम्पनीले पछिल्लो समय कर्मचारी हड्ताल र आफ्ना विमानहरूको गुणस्तरमा प्रश्न लगायत विभिन्न व्यवसायिक समस्या झेलिरहेको छ ।

कम्पनीका प्रमुख कार्यकारी केली ओर्टबर्गले कर्मचारीहरूलाई पठाएको इमेलमा कार्यकारी, व्यवस्थापक र कर्मचारीको जागिर जोखिममा रहेको उल्लेख गरेका छन्।


बोइङले आफ्नो हतियार र सैन्य उपकरण निर्माण व्यवसायमा घाटा हुने चेतावनी पनि दिएको छ । साथै, कम्पनीले आफ्नो नयाँ प्लेन ७७७ एक्सको डेलिभरी मिति पनि थपेको छ ।

कम्पनीका प्रमुख कार्यकारी ओर्टबर्गले आफ्नो इमेलमा कम्पनीले आगामी महिनाहरूमा कर्मचारीहरूलाई हटाउने कार्य जारी राख्ने बताएका छन् ।

बोइङ विश्वको सबैभन्दा ठूला र प्रतिष्ठित विमान निर्माता कम्पनीमध्ये एक हो। यसले व्यावसायिक विमान, सैन्य विमान र अन्तरिक्ष यानहरू निर्माण गर्दछ। अमेरिकामा स्थापित यस कम्पनीले विश्वभरका धेरै एयरलाइन्सहरूलाई विमानहरू आपूर्ति गर्दै आएको छ।

कम्पनीले विमान निर्माणका साथै स्पेस एक्सप्लोरेसन र रक्षा प्रणालीहरूमा पनि काम गर्दछ।

प्रतिक्रिया दिनुहोस्
अन्य समाचारहरु
: रुसी राष्ट्रपति भ्लादिमिर पुटिन डिसेम्बर ४ मा भारत आउने भएका छन्। उनको भ्रमण डिसेम्बर ५ सम्म रहनेछ। उनी प्रधानमन्त्री नरेन्द्र मोदीको निमन्त्रणमा भारत आउन लागेका हुन्। दुई नेताहरूबीच विश्वव्यापी मुद्दाहरूमा छलफल हुने जनाइएको छ। भारतीय विदेश मन्त्रालयले जारी गरेको विज्ञप्तिमा भनिएको छ,'प्रधानमन्त्री नरेन्द्र मोदीको निमन्त्रणामा रुसी राष्ट्रपति भ्लादिमिर पुटिन डिसेम्बर ४-५, २०२५ मा भारतको ...
: श्रीलंकामा भारी वर्षापछि आएको बाढी र पहिरोमा परी ५६ जनाको मृत्यु भएको छ। २१ जना बेपत्ता भएको अन्तरर्राष्ट्रिय सञ्चारमाध्यमले जनाएका छन्। यो हालैका वर्षहरूमा देशमा भएको सबैभन्दा गम्भीर मौसम-सम्बन्धित विपत्तिमध्ये एक हो। श्रीलंकाको चिया बगान र बादुल्लामा पहिरोमा परी २१ जनाको मृत्यु भएको विपद् व्यवस्थापन केन्द्र (DMC) ले जनाएको छ। सामाजिक सञ्जालमा प्रसारित भिडियोहरूमा ...
: हङकङको एक आवासीय क्षेत्रमा भएको भीषण आगलागीमा परी कम्तीमा ९४ जनाको मृत्यु भएको छ भने ७६ जना घाइते भएका छन्।लगभग ३०० जना बेपत्ता भएको जनाइएको छ। बुधबार ताई पो क्षेत्रका आठमध्ये सात भवनमा आगो फैलिएको थियो। आगो पूर्णरुपमा नियन्त्रणमा आइसकेको अन्तर्राष्ट्रिय सञ्चारमाध्यमले जनाएका छन्। सुरक्षा दिन नसकेको भन्दै स्थानीयहरूले आक्रोश पोखेका छन्। आगलागी हुँदा भवनभित्र ...
: बङ्गलादेशको राजधानी ढाकास्थित भीडभाडपूर्ण कोरेल झुपडपट्टीमा आगलागीबाट करिब एक हजार ५०० झुपडी जल्दा हजारौं बासिन्दा घरबारविहीन भएका छन्। तर, आगलागीबाट कुनै मानवीय क्षति भएको खबर प्राप्त भएको छैन । अग्निशमन सेवा तथा नागरिक सुरक्षा विभागका ड्युटी अफिसर रसिद बिन खालिदका अनुसार आगो लागेको १६ घण्टापछि मात्र पूर्ण रूपमा नियन्त्रणमा ल्याइएको थियो। अग्निशमन सेवाका निर्देशक ...
: अमेरिकाको वाशिंगटन डीसीमा गोलीबारी भएको छ। एफबीआई निर्देशक काश पटेलका अनुसार गोलीबारीमा राष्ट्रिय गार्डका दुई सदस्य गम्भीर घाइते भएका छन्। अधिकारीहरूका अनुसार आक्रमणकारीले स्थानीय समय अनुसार बिहान २:१५ बजे राष्ट्रिय गार्डका सदस्यहरूमाथि गोली चलाएका थिए। घटना ह्वाइट हाउस नजिकै भएको थियो। सीबीएस न्यूजका अनुसार संदिग्ध आक्रमणकारी अफगानी नागरिक रहमानउल्लाह लकनवाल हुन्। उनी २०२१ मा अमेरिका ...