। टोमस टुचेल इंग्लिस फुटबल टिमको नयाँ व्यवस्थापक नियुक्त भएका छन् । ५१ वर्षीय जर्मन प्रशिक्षकले १८ महिने सम्झौता गरेका छन् र, उनको कार्यकाल १ जनवरीबाट सुरु हुनेछ ।
चेल्सीका पूर्व प्रशिक्षक रहेका टुचेलले गत सिजनको अन्त्यमा बार्यन म्युनिख छाडेका थिए । इंग्ल्याण्डको प्रतिनिधित्व गर्ने अवसर पाउनु आफ्ना लागि ठूलो सौभाग्य भएको भन्दै उनले भनेका छन्, ‘विशेष र क्षमतावान खेलाडीहरुसँग काम गर्न निकै उत्साहित छु ।’
मुख्य कार्यकारी मार्क बुलिङहमले पनि फुटबल एशोसिएसनले विश्वकै सबश्रेष्ठ प्रशिक्षकमध्ये एकलाई नियुक्त गरेको बताए । उनले अगाडि भने, ‘टुचेल र टिमको ध्यान २०२६ को विश्वकप जित्ने सर्वोत्तम अवसर र्सिजना गर्नु हुनेछ ।’
इंग्ल्याण्डले १९६६ मा विश्वकप जितेयता ठूलो उपाधि जितेको छैन । टुचेललाई अनुबन्ध गर्नुअघि एफएले म्यानचेष्टर सिटीका प्रशिक्षक पेप ग्वार्डिओला तयार भए ल्याउन चाहेको थियो । तर सम्भावित उम्मेदवारमा टुचेल रोजेको व्यवस्थापन भएको एफएले बताएको छ ।
एफए बोर्डले अन्तिम साता उनको नाम अनुमोदन गरेको थियो र टुचेलले ८ अक्टोबरमा सम्झौतामा हस्ताक्षर गरेका थिए । तर अन्तराष्ट्रिय खेल छल्नका लागि औपचारिक घोषणा केही ढिला गरिएको एफएले बताएको छ ।
निमित्त प्रशिक्षक ली चाल्र्सीको नेतृत्वमा रहेको इंग्ल्याण्डले १० अक्टोबरमा ग्रिससँग हार व्यहोरेको थियो भने १३ मा फिनल्याण्डलाई हरायो ।
नयाँ व्यवस्थापक टुचेलको सहायकका रुपमा एन्थोनी ब्यारी हुनेछन्, जसले चेल्सी र बार्यन म्युनिखमा पनि सँगै काम गरेका थिए ।
