। स्कटल्याण्डका क्रिकेट खेलाडी ब्राण्डन म्याकमुलेनले सुदूरपश्चिम रोएल्सबाट नेपाल प्रिमियर लिग (एनपीएल) खेल्ने भएका छन् ।
सुदूरपश्चिमले सोमबार सामाजिक सञ्जालमार्फत म्याकमुलेनलाई अनुबन्ध गरेको जनाएको छ ।
२५ वर्षीय ब्याटिङ अलारउण्डर म्याकमुलेनले स्कटल्याण्डका लागि २२ ओडिआई र १६ टी२०आई खेल खेलेका छन् । ओडिआईमा उनको उच्च स्कोर १३६ र टी२०आईमा ९६ रहेको छ ।
म्याकमुलेनले गत वर्ष लिग टु को खेलमा नेपालमा पनि आएर खेलिसकेका छन् ।
म्याकमुलेनको आगमनले टिम अझ बलियो बन्ने सुदूरपश्चिम रोएल्सले जनाएको छ ।
दीपेन्द्र सिंह ऐरी मार्की प्लेअर रहेको सुदूरपश्चिमको प्रशिक्षकमा जगत टमाटा छन् ।
८ टोलीले प्रतिस्पर्धा गर्ने एनपीएलको पहिलो संस्करण मंसिर १५ देखि पुस ६ गतेसम्म सञ्चालन हुनेछ ।
