। भिनिसियस जुनियरले ह्याट्रिक गरेपछि रियल मड्रिडले यूईएफए युरोपियन च्याम्पियन्स लिगमा जर्मन क्लब बोरुसिया डर्टमण्डमाथि ५-२ को पुनरागमन जित हात पारेको छ ।
घरेलु मैदान सान्टियागो बर्नावेउमा रियल पहिलो हाफमै दुई गोल गोलले पछि परेको थियो । तर, भिनिसियसको ह्याट्रिक तथा एन्टोनी रुडिगर र लुइस भजक्वेजको गोलमा रियलले सानदार पुनरागमन गर्यो ।
खेलको ३०औं मिनेटमा डोनयाल मालान र ३४औं मिनेटमा जेमी गितेन्सले गोल गरेपछि डर्टमण्डले २-० को अग्रता बनाएको थियो । त्यो अग्रतालाई उसले काम रख्न सकेन । दोस्रो हाफमा रियलले ५ गोल फर्कायो । रुडिगरले ६०औं र भिनिसियले ६२औं मिनेटमा गोल गर्दै खेल २-२ को बराबरीमा ल्याए ।
भिनिसियसले ८६औं मिनेट र इन्जुरी टाइमको तेस्रो मिनेटमा गोल गर्दै ह्याट्रिक पूरा गरे । लुकास भज्क्वेनजले ८३औं मिनेटमा गोल गरे ।
च्याम्पियन्स लिगको लिग चरणमा रियलको यो दोस्रो जित हो । ३ खेलबाट रियलले ६ अंक जोडेको छ । पहिलो खेलमा स्टुटगार्डलाई हराएको रियल दोस्रो खेल फ्रेन्च क्लब लिलसँग स्तब्ध बनेको थियो ।
सुरुआती दुई खेल जितेको डर्टमण्डको भने यो पहिलो हार हो ।
