। यस्तो वेब सिरिज जसको एउटा एपिसोड यति महंगो भएको बताइन्छ कि यो धेरै बलिउड फिल्मभन्दा बढी हो ।
तपाईंले सुन्नभएको होला ‘द लर्ड अफ द रिङ्स : द रिङ्स अफ पावर’ । यसलाई इतिहासको सबैभन्दा महंगो टिभी शो भएको अन्तर्राष्ट्रिय सञ्चारमाध्यमले जनाएका छन् । यस शोको पहिलो सिजन सन् २०२२ मा अमेजन प्राइम भिडियोमा प्रिमियर भएको थियो ।
‘डेडलाइन’को एक रिपोर्टका अनुसार यो सिरिजमा अमेजन स्टुडियोको लागत एक बिलियन अमेरिकी डलर (८ हजार ३०० करोड भारु) छ । यस बजेटमा सिजन-१ का लागि अधिकार खरिद र प्रवर्द्धन लागत पनि समावेश छ ।
‘कोलाइडर’को अर्को रिपोर्ट अनुसार उत्पादन लागत मात्रै ४६ करोड ५० लाख डलर (३ हजार ८०० करोड भारुभन्दा धेरै) थियो । आठ एपिसोडको सिजनको प्रत्येक एपिसोडको लागत लगभग ५८ मिलियन डलर थियो ।
अहिलेसम्मकै महंगो फिल्मको कुरा गर्दा ‘स्टार वार्स : द फोर्स अवेकन्स’लाई भनिन्छ, जसको निर्माण बजेट ४४७ मिलियन डलर थियो, जुन ‘रिङ्स अफ पावर’ भन्दा कम हो । मूल ‘लर्ड अफ द रिङ्स ट्रिलोजी’को तीन फिल्मको निर्माण लागत जम्मा २६ करोड डलर थियो । फिल्मको स्पिन अफ भन्दा शोको लागत धेरैअघि देखिन्छ ।
यसको तुलनामा भारतीय फिल्म धेरै पछाडि छन् । सबैभन्दा महंगा भारतीय फिल्ममध्ये ‘कल्की २८९८ एडी’, ‘आरआरआर’ र ‘आदिपुरुष’को निर्माण बजेट उच्च छ । तर रिङ्स अफ पावरको सिजन १ को लागतको १५ को १ भाग मात्रै हो । यो शोको बजेट यति उच्च छ कि प्रतिएपिसोड उत्पादन लागत ४८ मिलियन डलर छ ।
यो बजेट ‘ब्रह्मास्त्र पार्ट वन’ (४५ मिलियन), ‘सिंघम अगेन’ (४२ मिलियन) र ‘जवान’ (३६ मिलियन)जस्ता केही ठूला भारतीय फिल्मको बजेट भन्दा बढी हो ।
‘लर्ड अफ द रिङ्स : द रिङ्स अफ पावर’ कथाको बारेमा कुरा गर्दा यो काल्पनिक ठाउँ मिडल अर्थको हो । यो १९ वटा औंठीको कथा हो जसलाई शक्तिको औंठी पनि भनिन्छ । यी १९ वटा औंठीहरूमध्ये केही एलेस जातिका मानिसलाई, केही बौनेहरूलाई र केही मानव जातिलाई दिइन्छ । यी औंठी भएकाले आफ्नो जातका मानिसमाथि शासन गर्छन् ।
