— सब्स्टिच्युट बेटोले इन्ज्युरी समयको चौथो मिनेटमा नाटकीय गोल गरेपछि एभर्टनले इंग्लिस प्रिमियर लिगमा शनिबार फुलहमलाई १–१ को बराबरीमा रोकेको छ । फुलहमले दोस्रो हाफमा एलेकस इवाबीको गोलले अग्रता लिएको थियो ।
खेल सकिन केही समय मात्रै बाँकी छँदा फुलहमले तीन अंक बटुल्ने निश्चित देखिएको थियो । तर गुडसनपार्कमा बेटोले बराबरी गोल फर्काए । यससँगै एभर्टनको नौ खेलबाट नौ अंक भएको छ र १५ औं स्थानमा उक्लेको छ ।
Everton draw with Fulhamफुहलम भने १२ अंकमा दसौं स्थानमा रह्यो । यसअघि म्यानचेस्टर सिटीले साउथह्याम्पटनलाई १–० ले हराएर शीर्ष स्थानमा उक्लेको थियो । सिटीका लागि इर्लिङ हाल्यान्डले पाँचौं मिनेटमा गरेको गोल नै निर्णायक रह्यो । सिटीको नौ खेलबाट २३ अंक भएको छ ।
शनिबारका अन्य खेलमा नटिङ्घम फरेस्टले लेस्टर सिटीलाई ३–१ र ब्रेन्टफोर्डले इपस्विच टाउनलाई ४–३ ले हरायो । यस्तै एस्टन भिल्ला र बर्नमाउथले १–१ तथा ब्राइटन र उल्भ्सले २–२ को बराबरी खेले ।
