— मोहमद सलाहले खेलको अन्त्यतिर गरेको गोलमा लिभरपुलले इंग्लिस प्रिमियर लिगमा आर्सनलसँग २–२ को रोमाञ्चक बराबरीमा रोकेको छ । उपाधिको होडका दुई प्रतिद्वन्द्वीबीचको खेलमा आर्ने स्लटको लिभरपुल सिजनको दोस्रो हारतर्फ अग्रसर देखिएको थियो ।
तर इमिरेट्समा भएको खेलमा सलाहले खेल सकिन नौ मिनेट अगाडि गोल गरे । आर्सनलले बुकायो साकाको गोलले अग्रता लिएपछि भर्जिल भान डाइकले लिभरपुलका लागि बराबरी गोल फर्काएका थिए ।
पहिलो हाफ अगाडि नै मिखेल मेरिनोले आर्सनलका लागि गोल गर्दै फेरि अगाडि राखेका थिए । त्यसपछि सलाहले सिजनको आफ्नो व्यक्तिगत १३ गोल गरे । आइतबारको खेलमा सबैभन्दा ठूलो विजेता भने म्यानचेस्टर सिटी रह्यो ।
अघिल्लो दिन विजयी रहेका सिटी अब २३ अंकमा शीर्षमा रह्यो भने उसको पछाडि २२ अंकमा लिभरपुल रह्यो । दिनका अन्य खेलमा वेस्ट ह्यामले म्यानचेस्टर युनाइटेडलाई २–१ ले हरायो भने टोटनहम क्रिस्टल प्यालेससँग १–० ले पराजित रह्यो ।
