— इंग्लिस लिग कपको क्वार्टरफाइनलमा प्रिमियर लिगका सबै ठूला क्लब नै भिड्ने भएका छन् । बुधबार राति अन्तिम १६ को खेलमा आर्सनलले प्रिस्टनलाई ३–० ले हरायो । अब उत्तरी लन्डन क्लबले अर्को चरणमा त्रिस्टल प्यालेसको सामना गर्नेछ ।
प्यालेसले १६ वर्षयता पहिलो पटक लिगकपको क्वाटरफाइनल खेल्न एस्टन भिल्लालाई २–१ ले पराजित गर्यो । दिनको सबैभन्दा ठूलो खेलमा भने टोटनहमले म्यानचेस्टर सिटीलाई सिजनकै पहलो हार चखायो ।
टोटनहमले सिटीलाई घरमा २–१ ले हराएको हो । त्यसमा टिमो वार्नर र पेप माटरले गोल गरे । अब उसले म्यानचेस्टर युनाइटेडको सामना गर्नेछ । युनाइटेडले भने लेस्टर सिटीमाथि ५–२ को जित रच्यो ।
यस्तै लिभरपुलले ब्राइटनलाई ३–२ ले हरायो र अब उसले साउथह्याम्पटनको सामना गर्नेछ । साउथह्याम्पटनले भने स्टोक सिटीको चुनौती समाप्त पारेको हो । यस्तै न्युकासलले चेल्सीलाई २–० ले पन्छायो र उसले ब्रेन्टफोर्डसँग खेल्नेछ ।
