। अफगानिस्तानी अलराउण्ड मोहम्मद नावीका छोरा हसन इसाखिलले चितवन राइनोजबाट नेपाल सुपर लिग (एनपीएल) खेल्ने भएका छन् ।
चितवनले बुधबार प्रेस वित्तप्ति जारी गर्दै तेस्रो विदेशी खेलाडीको रुपमा हसनलाई अनुबन्ध गरेको जनाएको छ । १८ वर्षीय हसन ओपनिङ ब्याटर हन् । उनले अहिलेसम्म १६ टी-२० खेल खेलेका छन् ।
हसनले २२०४ फेब्रुअरीमा दक्षिण अफ्रिकामा भएको आईसीसी यू-१९ विश्वकप खेलेका थिए । त्यस विश्वकपमा उनले नेपालविरुद्ध २० रन बनाएका थिए ।
उनले यस वर्षको सुरुमा अफगानिस्तानको स्पागिजा क्रिकेट लिगमा २१२ रन बनाएका थिए । एनपीएलमा चितवन राइनोजबाट खेल्न पाउनु आफ्नो लागि अवसर भएको हसनले बताएका छन् ।
चितवनले यसअघि दक्षिण अफ्रिकन बलर मर्चेन्ट डे ल्याङ र इंग्ल्याण्डका लुक बेन्केन्स्टेइनलाई अनुबन्ध गरिसकेको छ ।
चितवनको मार्की प्लेअरमा कुशल मल्ल छन् भने राष्ट्रिय टिमका पूर्वप्रशिक्षक उमेश पटवाल मुख्य प्रशिक्षक छन् । एनपीएल १५ मंसिरदेखि १६ पुससम्म हुनेछ ।
