: मोरङको केराबारीमा ट्याक्टरबाट खसेर बालकको मृत्यु भएको छ। शुक्रबार दिउँसो १२ बजेतिर केराबारी गाउँपालिका-९ बेलचौरीमा घटना भएको हो।
मोरङ प्रहरीका प्रवक्ता डीएसपी वेदप्रकाश जोशीले बेलचौरीबाट भलुवातर्फ जाँदै गरेको को२त १६७ नम्बरको ट्याक्टरबाट खसेर केराबारी-६ का यमनाथ परियारका छोरा ६ वर्षीय युनिक परियारको मृत्यु भएको बताए। ट्याक्टरमै सवार रहेका बालक अचानक खसेर ब्याट्रीमा टाउको ठोक्किएपछि गम्भीर घाइते भएका थिए।
उपचारका लागि विराटनगरको कोशी अस्पताल पुर्याउनसाथ चिकित्सकले मृत घोषित गरिदिएको जानकारी डीएपसी जोशीले दिए। शवलाई पोस्टमार्टमका लागि कोशी अस्पतालमै राखिएको छ। प्रहरीले ट्याक्टर र चालक केराबारी-९ का १८ वर्षीय यमन परियारलाई नियन्त्रणमा लिएको छ।
