। प्रिमियर लिगको लण्डन डर्बीमा आर्सनल र चेल्सीले १-१ को बराबरी खेल्दै अंक बाँडेका छन् ।
आइतबार राति चेल्सीको मैदान स्टानफोर्ड ब्रिजमा भएको खेलमा आर्सनलले पहिले अग्रता लिएपनि कायम राख्न कसकेन ।
६०औं मिनेटमा गाब्रीएल मार्टिनेलीले गोल गर्दै आर्सनललाई अग्रत दिलाएका थिए । तर, ७०औं मिनेटमा पेड्रो नेटोले चेल्सीका लागि बराबरी गोल फर्काए ।
त्यसअघि ३२औं मिनेटमै आर्सनलका काइ हाभार्टले गोल गरेपनि भिएआरले मान्यता नदिँदा अग्रता लिनबाट बन्चित भएको थियो ।
बराबरीपछि दुवैले १-१ अंक पाउका छन् । चेल्सी र आर्सनल दुवैको ११ खेलबाट समान १९ अंक भएको छ । तर गोल अन्तरका आधारमा चेल्सी अघि रहँदै तेस्रो स्थानमा उक्लेको छ । आर्नल चौथो स्थानमा छ ।
यस्तै कप्तान ब्रुनो फर्नान्डजेले म्यानचेष्टर युनाइटेडका लागि २५०औं खेलमा उत्कृष्ट प्रदर्शन गरेपछि युनाइटेडले लेस्टर सिटीलाई ३-० ले हरायो । अन्तरिम प्रशिक्षक रुड भान निस्टोलरयको अन्तिम खेलमा युनाइटेडले जित निकालेको हो ।
अब युनाइटेडको प्रशिक्षण रुबेन अमोरिनले सम्हाल्नेछन् । निस्टोलरयको प्रशिक्षमा युनाइटेडले चार खेल खेल्दा ३ जित र १ बराबरी नतिजा निकालेको थियो ।
युनाइटेडका लागि ब्रुनोले १७औं मिनेटमा गोल गर्दखै अग्रता दिलाएका थिए । उनकै प्रहार भिक्टर क्रिस्टिएनसेनलाई लाग्दै गोल हादा आत्मघाती गोलमा गणना भयो ।
यस्तै ८२औं मिनेटमा ब्रुनोकै पासमा अलेजान्रो गार्नाचोले गोल गरे ।
जितपछि युनाइटेड ११ खेलबाट १५ अंक जोडेर १३औं स्थानमा छ ।
यस्तै इप्स्विच टाउनले टोटनहमलाई २-१ ले पराजित गर्दै प्रिमियर लिगमा २२ वर्षपछि पहिलो जित हात पारेको छ । इप्स्विचलाई जित दिलाउन सामी एसमोडिक्स र लिएम डेलापले पहिलो हाफमा गोल गरे ।
टोटनहमका लागि दोस्रो हाफमा रोड्रिगो बेन्टानकुरले उक गोल फर्काए । पराजित टोटनहम ११ खेलबाट १६ अंकसहित १०औं स्थानमा छ ।
यस सिजन यसअघिका १० खेलमा ५ बराबरी र ५ हारको नतिजापछि इप्स्विचले पहिलो जित निकालेको हो । ११ खेलबा६ ८ अंक जोडेर इप्स्विच १७औं स्थानमा उक्लेको छ ।
अर्को खेलमा न्युकासल युनाइटेडले नटिङहम फरेस्टलाई ३-१ ले हरायो ।
