। माथिल्लो तामाकोशी जलविद्युत् कम्पनीले चालु आर्थिक वर्षको पहिलो तीन महिनामा ६३ करोड १९ लाख रुपैयाँ खुद नाफा कमाएको छ ।
कम्पनीले गत आर्थिक वर्ष असार मसान्तसम्म २ अर्ब ५६ करोड रुपैयाँ नोक्सानी ब्यहोरेको थियो । त्यस्तै गत आर्थिक वर्षको पहिलो त्रैमासमा १ अर्ब नाफा कमाएको थियो । समीक्षा अवधिमा कम्पनीको खुद नाफा ३६ प्रतिशत घटेको हो ।
कम्पनीको विद्युत् बिक्री आम्दानी घटेको छ । यस्तो आम्दानी गत आवको पहिलो त्रैमासमा ३ अर्ब ७१ करोड रुपैयाँ रहेकोमा चालु आवको पहिलो त्रैमासमा २ अर्ब ९३ करोड छ । ४५६ मेगावाटको आयोजनामा गत असोजको बाढीले असर पारेपछि विद्युत् उत्पादनमा आएको अवरोधले आम्दानी घटेको हो ।
समग्र ब्याजदर घट्दा कम्पनीको वित्तीय लागत घटेको छ । वित्तीय लागत गत आवको पहिलो त्रैमासमा १ अर्ब ५९ करोड रुपैयाँ रहेकोमा अहिले १ अर्ब २० करोड रुपैयाँ छ । वार्षिक प्रतिसेयर आम्दानी २ रुपैयाँ ९८ पैसा छ ।
प्रतिसेयर नेटवर्थ जम्मा ६० रुपैयाँ ४२ पैसा छ । बिहीबार बजार बन्द हुँदा यस कम्पनीको सेयर मूल्य प्रतिकित्ता २१८ रुपैयाँ ५० पैसा छ ।
