— टिम क्लेनडिनेस्ट र फ्लोरिन विर्टजको दुई/दुई गोलमा जर्मनीले यूईएफए नेसन्स लिगमा शनिबार बोस्नियामाथि ७–० को फराकिलो जित निकालेको छ । प्रतियोगिताको ६ वर्षको इतिहासमा यो नै अहिलेसम्मको सबैभन्दा ठूलो अन्तरको जित हो ।
यो जितसँगै जर्मनीले एक खेल अगाडि नै लिग–ए ग्रुप–थ्री जित्ने निश्चित भएको छ । जर्मनी यसअघि नै प्रतियोगिताको क्वाटरफाइनल पनि पुगिसकेको छ । हारको अर्थ बोस्निया प्रतियोगिताका दोस्रो श्रेणीमा झरेको छ ।
जर्मनीले जमाल मुसिएलाको गोलले अग्रता लिएयता काइ हारभटेज र लेरोय सेनले पनि गोल गरे । समूहकै अर्को खेलमा नेदरल्यान्ड्सले हंगेरीलाई ४–० ले पराजित गर्यो । लिग–बी ग्रुप–वानमा जर्जिया र युक्रेनले १–१ तथा अल्बानिया र चेक गणतन्त्रले गोलरहित बराबरी खेले ।
