। ‘पुष्पा २ : द रुल’ले यतिबेला इन्टरनेट प्लाटफर्ममा उछाल ल्याएको छ । नेपाल सीमावर्ती भारतीय राज्य विहारको गान्धी मैदानमा आइतबार बेलुका निर्माताले फिल्मको बहुप्रतीक्षित ट्रेलर सार्वजनिक गरे ।
युट्युब र सामाजिक सञ्जालका प्लाटफर्ममा अपलोड गरेपछि यसले इन्टरनेटमा आँधी ल्यायो । रिलिजको एक घण्टाभित्रै लाखौं भ्युज सिर्जना भए । मिथ्री मुभी मेकर्सको युट्यब च्यानलमा ट्रेलर रिलिजको एक घण्टामै यसले ४.३ मिलियन भ्युज प्राप्त गर्यो ।
ट्रेलरको हिन्दी संस्करणले एक घण्टाभित्रै २९ लाख भ्युज प्राप्त गर्यो । हिन्दीमा अहिलेसम्म ट्रेलरलाई ३ करोड २० लाख पटक हेरिएको छ । तेलुगु संस्करणलाई एक घण्टाभित्र ५.६६ मिलियन भ्युज प्राप्त भएको छ । तेलुगु संस्करणमा अहिलेसम्म ४ करोड ३० लाख पटक हेरिएको छ ।
निर्माताले तमिल, बंगाली, कन्नडा र मलायलम संस्करणमा पनि ट्रेलर रिलिज गरिसकेका छन् । फिल्ममा अल्लु अर्जुनले पुष्पराज, रश्मिका मन्दानाले श्रीवल्लभी र फहद फासिलले भंवर सिंह शेखावतको भूमिकामा पुनरागमन गरेका छन् । ट्रेलरको प्रतिक्रिया हेर्दा लाग्छ, ‘पुष्प २’ को ट्रेलर फ्यानका लागि कुनै उत्सवजस्तै हो ।
सुकुमार निर्देशित ‘पुष्पा २’ डिसेम्बर ५ मा प्रदर्शन हुँदैछ ।
