— म्यानचेस्टर सिटीका व्यवस्थापक पेप ग्वार्डिओलाले मंगलबार क्लबसँग थप एक वर्षको अनुबन्ध गरेका छन् । यससँगै इंग्लिस प्रिमियर लिगमा स्पेनी प्रशिक्षकको बसाइ १० वर्ष पुग्ने भएको छ ।
ग्वार्डिओला सन् २०१६ मा सिटी आएका थिए र त्यसयता उनले क्लबका लागि १६ उपाधि जितिसकेका छन् । त्यसमा छ प्रिमियर लिग उपाधि पनि पर्छन् । यस सिजनको अन्त्यसँगै उनको अनुबन्ध सकिने क्रममा थियो ।
लगातार चार पल्टको कीर्तिमानी डिफेन्डिङ च्याम्पियन सिटीले उनको नेतृत्वमा एकै सिजन तीन उपाधि प्रिमियर लिग, एफएकप र युरोपेली च्याम्पियन्स लिग पनि जितेको थियो ।
अहिले भने सिटी खराब लयमा छ र उसले लगातार चार खेल गुमाइसकेको छ । प्रिमियर लिगमा सिटी दोस्रो स्थानमा छ र यो शीर्षमा रहेको लिभरपुलसँग पाँच अंकको दूरी हो ।
