। नेपाल प्रिमियर लिग (एनपीएल)को फ्रेन्चाइज टोली चितवन राइनोजका लागि अनुबन्धित दक्षिण अफ्रिकी खेलाडी मर्चेन्ट डे लाङले प्रतियोगिता नखेल्ने भएका छन् ।
चितवन टोलीका अनुसार दक्षिण अफ्रिकी बलर डे लाङलाई प्रशिक्षणका क्रममा खुट्टामा चोट लागेपछि नेपाल नआउने भएका हुन्।
उनी अब चोटमुक्त भएर फिट हुन ३ देखि ४ हप्तासम्म लाग्ने बताइएको छ। चितवनले उनको स्थानमा नयाँ खेलाडी ल्याउने पनि जनाएको छ।
चितवनले मर्चेन्टजस्तै पेस बलिङ विकल्प खोज्ने छ ।
चितवनका अन्य खेलाडीमा इंग्ल्याण्डका रवि बोपारा र लुक बेनकेन्सटाइन, अफगानिस्तानका हसन एइसाखिल र नामिबियाका जान निकोल लफ्टी इटन छन् ।
टिमको मार्की खेलाडीमा कुशल मल्ल छन् भने उनीसँग नेपाली टोलीका भेट्रान खेलाडी शरद भेषावकर पनि छन् ।
एनपीएल आगामी शनिबारदेखि सुरू हुँदै छ ।
