: अमेरिकी सहायक विदेशमन्त्री डोनाल्ड लु भारत, श्रीलंका र नेपालको भ्रमणमा निस्किएका छन् । भारत र श्रीलंकाको भ्रमण सकाएर सहायक विदेश मन्त्री लु नेपाल आउने छन् ।
अमेरिकी विदेश मन्त्रालयका अनुसार सहायक विदेशमन्त्री लुले डिसेम्बर ३ देखि १० सम्म यी मुलुकहरुको भ्रमण गर्ने छन् ।
डिसेम्बर ५ मा भारत भ्रमण सकाएर लु श्रीलंका जाँदै छन् । त्यसपछि उनी नेपाल आउने कार्यक्रम रहेको छ । नेपाल बसाईका क्रममा उनले प्रधानमन्त्री केपी शर्मा ओली, परराष्ट्र मन्त्री आरजु राणा देउवा लगायत अन्य राजनीतिक दलका उच्च नेताहरुसँग समेत भेट र छलफल गर्नेछन् ।
सहायक विदेशमन्त्री लुले यहाँ रहेका बेला नेपाली युवापुस्ताका नेताहरुसँग समेत अन्तरक्रिया गर्ने कार्यक्रम रहेको छ। सहायक विदेश मन्त्री लुले यसअघि तीन पटक नेपाल भ्रमण गरिरकेका छन् ।
