। कैलालीमा साढे ७ ग्राम लागूऔषध खैरो हेरोइनसहित तीन जना पक्राउ परेका छन् । पक्राउ पर्नेमा टीकापुर नगरपालिका–१ बनगाउँ बस्ने २३ वर्षीय शिबम थापामगर, २७ वर्षीय विकास चौधरी र २७ वर्षीय विज्ञान शाही रहेको जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) कबिन्द्रसिंह बोहराले जानकारी दिए ।
उनकाअनुसार लागूऔषध खैरो हेरोइनको कारोबार भइरहेको सूचनाका आधारमा प्रहरी चौकी कालाकुण्डाका प्रहरी नायब निरीक्षक बिशनदत्त भट्ट नेतृत्वको टोलीले उनीहरुलाई पक्राउ गरेको हो । उनीहरुको साथबाट ७ ग्राम ५९० मिलिग्राम लागुऔषध खैरो हेरोइन बरामद गरिएको छ ।
उनीहरुलाई नियन्त्रणमा राखेर अनुन्धान भइरहेको प्रहरीले जनाएको छ ।
