मुख्य समाचार
साउदी अरबलाई २०३४ को विश्वकप आयोजक राष्ट्र घोषणा
साउदी अरबलाई २०३४ को विश्वकप आयोजक राष्ट्र घोषणा

— नेपाली श्रमिकको प्रमुख गन्तव्य साउदी अरबलाई फिफाले १० वर्षपछि हुने विश्वकप पुरुष फुटबल–२०३४ प्रतियोगिता आयोजना गर्ने जिम्मेवारी दिएको छ ।


बुधबार फिफा मुख्यालयमा भएको मतदानमा साउदी एक्लैले विश्वकप खेलाउने जिम्मेवारी पाएको हो । यो विश्वकप साउदीको उत्तराधिकारीसमेत रहेका प्रधानमन्त्री मोहम्मद विन सलमानको साउदीलाई ‘वैश्विक लगानी केन्द्र’को रुपमा स्थापित गर्ने २०३० को लक्ष्यसँग जोडिएको छ । साउदीले यो जिम्मेवारीलाई ऐतिहासिक उपलब्धिको रुपमा ग्रहण गरेको छ ।


साउदीले यो परियोजनाका लागि १० औं अर्ब डलर लगानी गर्ने बताएको छ । फिफाले दुई हप्ता अगाडि सार्वजनिक गरेको मूल्यांकनमा साउदीको प्रस्तावलाई इतिहासमा सबैभन्दा बढी ५ मा ४.२ नम्बर दिएको थियो । यसलाई फिफाले आउँदो शताब्दीको लागि एक अद्वितीय, नविन र महत्वाकांक्षी दृष्टिकोण भनेको छ ।

२०३४ मा साउदी अरबले विश्वकप फुटबल खेलाउने जिम्मेवारी पाएको फिफाको घोषणले साउदी अरबका आफ्ना नागरिकमा मात्रै खुसीको उत्सव छाएको छैन । यो उत्सवमा साउदी अरबको विकासमा योगदान पुर्‍याउन गएका एक करोड ३४ लाख आप्रवासी श्रमिक पनि जोडिन पुगेको छ । आप्रवासीको यो संख्या साउदीको कुल जनसंख्याको ४२ प्रतिशत हिस्सा हो । जसमा साउदीमा ४ लाख नेपाली कार्यरत छन् ।

साउदीले आउँदो विश्वकपको लागि आफ्ना प्रमुख सहर रियाद, जेद्दा, अलखोवर, अभा र नियोमका तीन वटा रंगशालालाई स्तरीकरण गर्नेसहित थप भव्य ११ वटा बृहत् रंगशाला निर्माणको योजना बनाएको छ । त्यस्तै एक लाख ८५ वटा होटलका कोठाहरु, विमानस्थल, सडक, रेल सहितका आधुनिक पूर्वाधारहरुको निर्माणसँग सम्बन्धी आयोजनाहरु अगाडि बढाइएको छ । साउदीले विश्वकपलाई नै लक्ष्य गरी बृहत् राष्ट्रिय परियोजनाको निर्माण अगाडि बढाइसकेको छ ।

अन्तर्राष्ट्रिय मानव अधिकारवादी संस्थाहरुले भने साउदीमा कार्यरत आप्रवासी श्रमिकको कमजोर मानव अधिकार र रक्षासँग जोडिएको विषयमा अर्थपूर्ण रुपमा सम्बोधन नगरी साउदीलाई विश्वकप दिइएको भन्दै साउदी र फिफाको कडा आलोचना गरेका छन् ।

एम्नेष्टी इन्टरनेसनल, हृयुमन राइट्स वाच, इक्वीडेम, फेयर स्क्वाएर लगायतका संस्थाले फिफालाई मानवअधिकारको गम्भिरतालाई नजरअन्दाज गरिएको बताएका छन् । ‘कुन देशमा विश्वकप आयोजना गर्ने भन्ने निर्णय गर्नुअघि फिफाले त्यस देशमा मानव अधिकारको अवस्था कस्तो छ र विश्वकप परियोजनामा काम गर्ने श्रमिकहरुका अधिकारको अवस्था कस्तो रहन्छ भनी बढो मिहीन हिसाबले मूल्यांकन गर्नु पर्दथ्यो र आयोजक राष्ट्र तथा फिफा दुवैले श्रमिकको संरक्षणको पूर्ण व्यवस्था सुनिश्चित गर्नु पर्दथ्यो,’ इक्वीडेमका अनुसन्धान विभागका प्रमुख रामेश्वर नेपालले कान्तिपुरलाई भने, ‘तर दशकौंदेखि नेपाली लगायतका आप्रवासी श्रमिकहरुउपर चरम शोषण, बाध्यकारी श्रम र वैयक्तिक स्वतन्त्रतामा नियन्त्रण लगायतका मानवअधिकार हनन् हुँदै आइरहेको साउदीमै विश्वकप आयोजना गर्ने निर्णय गरेबाट फिफाले मानवअधिकारसम्बन्धी उसको मापदण्डहरुको स्पष्ट बेवास्ता गरेको छ । जसले विश्वकपका परियोजनाहरुमा काम गर्ने श्रमिकहरु थप जोखिममा पर्ने देखिन्छ ।’


पछिल्लो १० वर्षमा साउदीमा मात्रै १३ लाख ५२ हजार ८ सय जनाले श्रम गरिसकेका थिए । जसमा श्रमिक १ लाख ११ हजार महिला छन् । कोभिडपछि ओरोलो लागिरहेको वैदेशिक रोजगारीको क्षेत्रमा साउदीले भने थप अवसर दिँदै आएको छ । गत वर्षमात्रै ८ सय महिलासहित एक लाख ४८ हजार जना गएका थिए ।

प्रतिक्रिया दिनुहोस्
अन्य समाचारहरु
: यो सिजनमा हिमाल आरोहीबाट १९ करोडभन्दा धेरै राजस्व संकलन भएको छ। विभिन्न ४२ वटा हिमाल आरोहणको अनुमतिबाट १९ करोड १३ लाख ८९ हजार ४४२ रुपैयाँ राजस्व आम्दानी भएको पर्यटन विभागले जनाएको छ। आरोहण अनुमति मागेका ८०२ जनाबाट सो परिमाणमा राजस्व संकलन भएको विभागका निर्देशक हिमाल गौतमले जानकारी दिए। सबैभन्दा धेरै गोरखाको मनास्लु हिमाल आरोहण ...
: आइसीसी टी२० विश्वकप एसिया तथा पूर्वी एसिया प्यासिफिक क्षेत्र छनोट अन्तर्गत समूह चरणको अन्तिम खेलमा नेपालले जापानलाई ५ विकेटले हराएको छ। ओमानको अल अमिरत क्रिकेट मैदानमा टस हारेर ब्याटिङ गरेको जापानले निर्धारित २० ओभरमा ८ विकेट गुमाउँदै १३१ रन बनाएको थियो। जापानले दिएको १३२ रनको विजयी लक्ष्य पछ्याएको नेपालले १८ ओभरमा ५ विकेट गुमाउँदै ...
: हुलाक सेवा विभागले नेपाली क्रिकेट खेलाडीहरूको तस्बिर अंकित हुलाक टिकट प्रकाशन गरेको छ। नेपाली क्रिकेट खेलाडीहरूको तस्बिर अंकित हुलाक टिकटमा सन्चार तथा सूचना प्रविधिमन्त्री जगदीश खरेल र राष्ट्रिय खेलकुद परिषद्का सदस्य–सचिव टंकलाल घिसिङले बुधबार हुलाक सेवा विभागमा आयोजित एक कार्यक्रममा टाँचा लगाए। विश्व हुलाक दिवस २०२५ का अवसरमा आईसीसी पुरुष विश्वकप र आईसीसी महिला ...
। थाइल्याण्डमा हुने एएफसी यू-१७ महिला एसियन कप छनोट खेल्न जाने नेपाली टोलीको बिदाइ गरिएको छ । अखिल नेपाल फुटबल संघ (एन्फा)ले शुक्रबार एन्फा कम्प्लेक्समा एक कार्यक्रम गरी नेपाली टोलीको बिदाइ गरेको हो । एन्फा अध्यक्ष पंकज विक्रम नेम्वाङसहित पदाधिकारीहरूले टोलीको बिदाइ गरे । प्रतियोगिता अक्टोबर १३ देखि १७ सम्म हुँदैछ । नेपालले छनोट प्रतियोगितामा आयोजक थाइल्याण्ड र ...
। ओमानमा जारी आईसीसी टी-२० विश्वकप एसिया तथा इस्ट एसिया पेसिफिक छनोटअन्तर्गत समूह बी को खेलमा आज नेपाल र जापान खेल्दै छन् । ओमानको अल अमेरतस्थित ओमान क्रिकेट एकेडेमी टर्फ १ मा हुने खेल नेपाली समयअनुसार अपराह्न ४:१५ बजेदेखि सुरु हुनेछ । नेपाल र जापान दुवैले आ-आफ्नो पहिलो खेल जितेका छन् । दुवै टोलीले कुवेतलाई हराएर सुपर ...