। पपस्टार एड सिरनले दक्षिण एसियाली मुलुक भुटानमा कन्सर्ट गर्ने भएका छन् । राजधानी थिम्पुमा २५ जनवरी, २०२५ मा सांगीतिक प्रस्तुति दिन लागेको जनाइएको छ ।
यो कन्सर्ट भुटानमा हुन लागेको पहिलो अहिलेसम्मकै भव्य कन्सर्ट हुने जनाइएको छ । भुटानको चाङ्लीमिथाङ रंगशालामा हुने कन्सर्टको सबैभन्दा सस्तो टिकट शुल्क १० डलर तोकिएको छ ।
सिरनको टूरको भेन्युमा भुटानसहित भारतको सिलोङ, पुणे, हैदराबाद, चेन्नइ, बैंग्लोरु र दिल्ली समेत छन् । चीनको हाङ्जोउ, कतार, बहराइन र युएईको अबुधाबीमा पनि उनी गुञ्जिने तय भएको छ ।
अंग्रेजी नयाँवर्ष सुरु हुन लागेसँगै विश्वचर्चित पपस्टारले दक्षिण एसियालाई केन्द्रमा राख्दै टूरको घोषणा गरेका हुन् । उनले गणितका चिन्ह (जोड, घटाउ, बराबर, भाग र गुणन चिन्ह)लाई टूरको नाम दिएका छन् ।
