— जुड बेलिङघमले स्पेनी ला लिगामा लगातार छैटौं खेलमा गरेको गोलको मद्दतले रियल म्याड्रिडले राया भालेकानोसँग ३–३ को रोमाञ्चक बराबरी खेलेको छ । बराबरीले रियल अंक तालिकाको शीर्षमा उक्लन भने असफल रह्यो ।
जितसँग रियलसामु शीर्षको बार्लिलोनालाई उछिन्ने अवसर थियो । अब रियलको १७ खेलबाट ३७ अंक भएको छ । समान खेलबाट बार्सिलोनाको भने ३८ अंक छ । बेलिङघमसँगै रियलका लागि फेडरिको भाल्भेरडो र रोड्रिगोले गोल गरे ।
यस्तै भालेकानोका लागि उनाइ लोपेज, अब्लुद मुमिन र इसी पालेजोनले गोल गरे । शनिबारका अन्य खेलमा सेभियाले सेल्टा भिगोलाई १–० र मार्लोकाले जिरोनालाई २–१ हरायो । इस्पनयोल र ओससुनाले गोलरहित बराबरी खेले ।
मार्लोका २७ अंकमा पाँचौं स्थानमा छ र उसले शीर्ष चारका लागि प्रयास गरिरहेको छ । एथलेटिको बिलबाओ ३२ अंकमा चौथो स्थानमा छ ।
