— नेपाल राष्ट्र बैंकको बैकिङ र मुद्रा व्यवस्थापन विभागले आजदेखि थापाथलीस्थित कार्यालयबाट सेवा सुरु गरेका छन् । ०७२ सालको भूकम्पले थापाथलीस्थित कार्यालय भत्किएपछि राष्ट्र बैंकको सबै विभागका सेवा बालुवाटारस्थित कार्यालयमा सरेको थियो ।
अहिले नयाँ भवन निर्माण सम्पन्न भएपछि पहिलो चरणमा बैकिङ र मुद्रा व्यवस्थापन विभाग थापाथली स्थानान्तरण गरिएको राष्ट्र बैंकले जनाएको छ । आज (पुस १)देखि बैकिङ र मुद्रा व्यवस्थापन विभाग थापाथली स्थानान्तरण गरिने सूचना गत साता नै जारी गरेको थियो ।
हाल राष्ट्र बैंकले विभिन्न १८ वटा विभागमार्फत सेवा दिदै आएको छ । जसमध्ये अहिले बैकिङ र मुद्रा व्यवस्थापन विभाग थापाथली सारिएको हो । यी विभागबाट बैकिङ सम्बन्धी सबै गतिविधि बैकिङ विभागबाट र मुद्रा सटही, तरलता व्यवस्थापनलगायत काम मुद्रा व्यवस्थापन विभागबाट हुँदै आएको छ ।
