— देउखुरीमा स्कुल बसले ठक्कर दिँदा एक मोटरसाइकल चालकको मृत्यु भएको छ । पूर्व-पश्चिम राजमार्गअन्तर्गत लमही भालुवाङ सडकखण्डको राप्ती गाउँपालिका-८, बिजौरीमा स्कुल बसले मोटरसाइकललाई ठक्कर दिँदा चालक बिजौरीका २० वर्षीय किशन शाहीको मृत्यु भएको इलाका प्रहरी कार्यालय भालुवाङले जनाएको छ ।
निजी विद्यालयको रा१क १४१८ नम्बरको बसले रा५प २६०१ नम्बरको मोटरसाइकललाई ठक्कर दिँदा मोटरसाइकल चालक शाहीको घटनास्थलमै मृत्यु भएको प्रहरीले जनाएको छ । आक्रोशित स्थानीयले पूर्व-पश्चिम राजमार्गको लमही भालुवाङ सडकखण्ड अवरुद्ध पारेका छन् । उक्त सडक खण्डमा सोमबार बेलुका मालबाहक ट्रकले मोटरसाइकल चालकलाई ठक्कर दिँदा एक युवकको मृत्यु भएको थियो ।
