: नेपाली कांग्रेसका सभापति शेरबहादुर देउवाले जनताको समान अधिकारले मात्रै मुलुकको विकास सम्भव हुने बताएका छन्। नेपाल उत्पीडित जातीय मुक्ति समाजको ३७ औँ स्थापना दिवसका अवसरमा आज आयोजित कार्यक्रममा उनले जातीय समानताको स्थापनाका लागि संविधान र कानुनको पालनाका साथै सामाजिक सुधारका लागि पनि लाग्नुपर्ने धारणा राखेका हुन्।
देउवाले नेपालको संविधान र कानूनमा समानताको विषय समावेश भएपनि यसलाई वास्तविक रुपमा नै व्यवहारमा लागू गर्नुपर्नेमा जोड दिए। दलित समूदायलाई राज्यका हरेक निकायमा प्रतिनिधित्व गराउनु अहिले पनि चुनौति रहेकाले राज्यले आवश्यक पहलकदमी लिन ढिलासुस्ती गर्न नहुने उनको भनाइ छ।
