मुख्य समाचार
जनकपुरलाई हराउँदै सुदूरपश्चिम एनपीएलको फाइनलमा
जनकपुरलाई हराउँदै सुदूरपश्चिम एनपीएलको फाइनलमा

: जनकपुर बोल्ट्सलाई हराउँदै सुदूरपश्चिम रोयल्स नेपाल प्रिमियर लिग (एनपीएल)को फाइनलमा प्रवेश गरेको छ। टियु क्रिकेट मैदानमा बुधबार जनकपुरलाई ८ विकेटले पराजित गर्दै सुदूरपश्चिम फाइनल पुग्ने पहिलो टोली बनेको हो।

हारसँगै जनकपुरले दोस्रो क्वालिफारमा कर्णाली याक्ससँगको भेट पक्का गरेको छ। जनकपुरले दिएको १४० रनको लक्ष्य पछ्याएको सुदूरपश्चिमले १८.३ ओभरमा २ विकेट गुमाउँदै पूरा गरेको हो।



सुदूरपश्चिमका लागि विनोद भण्डारीले सर्वाधिक ५८ रन बनाउँदै अविजित रहे। उनले ५५ बलमा ३ चौका र ३ छक्का प्रहार गरे। दीपेन्द्र सिंह ऐरी १६ बलमा १ चौका र १ छक्का प्रहार गर्दै २० रनमा अविजित रहे।

पहिलो विकेटको लागि ओपनरद्वय विनोद भण्डारी र सैफ जैबले ५६ रनको साझेदारी गरेका थिए। दोस्रो विकेटको रूपमा ब्रान्डन म्याकमुलेनको विकेट गयो। उनले १९ बलमा १ चौका र १ छक्का सहति २५ रन बनाएर ललित राजवंशीको बलमा निसमको हातमा क्याच भए। उनले दोस्रो विकेटका लागि ओपनर विनोद भण्डारीसँग ५९ रनको साझेदारी गरे।
सुदूरपश्चिमले पहिलो विकेटको रूपमा ओपनर सैफ जैबलाई गुमायो। उनले २१ बलमा ३ चौका र २ छक्कासहित ३२ रन बनाउँदै किशोर महतोको बलमा जेम्स निसमबाट क्याच भए। जनकपुरका लागि ललित राजवंशी र किशोर महतोले समान १/१ विकेट लिए।

त्यसअघि ब्याटिङ गरेको जनकपुरका लागि जेम्स निसमले सर्वाधिक ४५ रन बनाए। ओपनर लाहिरु मिलान्थाले १२ रन बनाउँदा अर्का ओपनर आसिफले ११ रन बनाउँदै आउट भए। शुभ कंसाकर २६ रनमा रनआउट भए। हर्ष थाकर १२, अरनिको यादवले ११ रन बनाउँदा अन्य कुनै पनि ब्याटरले दोहोरो अंकमा रन बनाउन सकेनन्। सुदूरपश्चिमका लागि कप्तान दीपेन्द्र सिंह ऐरीले सर्वाधिक ३ विकेट लिए। सैफ जैबले २ स्कट केग्गेलिन र अभिनाश बोहोराले समान १/१ विकेट लिए।

प्रतिक्रिया दिनुहोस्
अन्य समाचारहरु
— नेपाल प्रिमियर लिग(एनपीएल) को विजेताले १ करोड १० लाख रुपैयाँ पाउने भएको छ । नेपाल क्रिकेट संघ(क्यान) ले सोमबार विजेता/उपविजेतासँगै तेस्रो र चौथो स्थान हासिल गर्नेको पुरस्कार राशिबारे जानकारी दिएको हो । क्यानका अनुसार उपविजेता हुने टोलीले ५१ लाख रुपैयाँ पाउनेछ । त्यस्तै तेस्रो स्थान हासिल गर्नेले २५ लाख र चौथो स्थान प्राप्त गर्ने ...
: नेपाल प्रिमियर लिगमा कर्णाली याक्स दोस्रो क्वालिफायरमा प्रवेश गरेको छ। टियु क्रिकेट मैदानमा बुधबार चितवन राइनोजलाई २१ रनले हराउँदै कर्णाली याक्स दोस्रो क्वालिफायरमा प्रवेश गरेको हो। कर्णालीले दिएको १७६ रनको लक्ष्य पछ्याएको चितवनले निर्धारित ओभरमा ९ विकेट गुमाउँदै १५४ रनमात्रै बनाउँदा चितवन एलिमिनेटरबाट नै बाहिरिएको छ। चितवनका लागि रवि बोपाराले सर्वाधिक ५३ रन बनाए। उनले ...
— रियल म्याड्रिडका फरवार्ड भिनिसियस जुनियनरलाई मंगलबार दोहामा आयोजित कार्यक्रमबीच फिफाको उत्कृष्ट वर्ष खेलाडी अवार्ड प्रदान गरिएको छ । महिलातर्फ बार्सिलोनाकी मिडफिल्डर आइटाना बोनमतीले यो अवार्ड जितिन् । विवादास्पद रूपमा बेलन डे’अर अवार्ड जित्न असफल रहेको दुई महिनापछि २४ वर्षीय भिनिसियसले यसपल्ट यो सफलता चुमेका हुन् । त्यति बेला म्यानचेस्टर सिटीका रोड्रिले बेलन डे’अर जितेका थिए ...
— नेपाल र भारतबीच एसीसी महिला यू–१९ एसिया कप क्रिकेटको मंगलबारको खेल वर्षाका कारण रद्द भएको छ । यसअघि नै यी दुई टोली मलेसियामा भइरहेको प्रतियोगिताको ‘सुपर फोर’ मा पुगिसकेका थिए । नेपाल र भारत दुवैले समूह ‘ए’ को खेलमा पाकिस्तानलाई पराजित गरेको थियो । भारतले टस जितेपछि ब्याटिङ निम्तो पाएको नेपालले निर्धारित २० ओभरमा ८ विकेट गुमाई ...
— देशमा क्रिकेट माहोल ह्वात्तै बढेको छ । राजधानीमा भइरहेको नेपाल प्रिमियर लिग (एनपीएल) मा क्रिकेटप्रेमीहरू झुम्मिएका छन् । क्रिकेटको यो सुखद माहोलमा खड्किने विषय हो स्तरीय रंगशालाको अभाव । चितवन भरतपुरमा निकै चर्चाका साथ बन्न सुरु भएको गौतम बुद्ध क्रिकेट रंगशालाको अवस्था अहिले के होला ? सोमबार मध्यान्ह त्यहाँ पुग्दा कामदारहरू खान खाएपछि काममा जुट्न सुरु गर्दै थिए । ‘अहिले ...