मुख्य समाचार
फेवातालमा ड्रागन बोट फेस्टिभल
फेवातालमा ड्रागन बोट फेस्टिभल

: पोखराको फेवाताल दोस्रो ड्रागन बोट रेस प्रतियोगिता सुरु भएको छ। चिनियाँ दूतावासको मुख्य आयोजनामा भएको प्रतियोगितामा सहभागी हुन चिनियाँ खेलाडी र प्राविधिक सहितको टोली चाटर्ड उडानमा पोखरा आएका थिए।


ड्रागन बोट रेस गण्डकी प्रदेश सरकार, पोखरा महानगरपालिका र नेपाल पर्यटन बोर्डको आयोजनामा हुन लागेको हो। नेपाल ड्रागन बोट एसोसिएसन, पोखरा पर्यटन परिषद् र पोखरा ओभरसिज चाइनिज एसोसिएसनको सहआयोजना रहेको छ।

उद्घाटन कार्यक्रममा बोल्दै खेलकुद मन्त्री तेजुलाल चौधरीले ड्रागन बोट जस्ता अन्तर्राष्ट्रिय प्रतियोगिताले पर्यटन प्रवर्द्धनमा महत्वपूर्ण भूमिका खेल्ने बताए। गण्डकी प्रदेशका सामाजिक विकास मन्त्री विन्दु थापाले गत वर्षदेखि सुरु भएको ड्रागन बोट फेस्टिभलले चिनियाँ पर्यटन प्रवर्द्धनमा सहयोगी हुने विश्वास गरे।


नेपालका लागि चिनियाँ राजदूत चेन सोङले सन् २०२५ लाई चीनले नेपाल भ्रमण वर्षका रूपमा घोषण गरेको बताए। यसले पर्यटक नेपाल आउने क्रम बढ्ने बताए। ड्रागनबोट रेस लगायतका खेलकुदका कार्यक्रमबाट चीन र नेपालको सम्बन्ध जनस्तरबाटै बलियो हुने उनको भनाइ छ।

रेसमा नेपालका ११, चीनका ८ र सिंगापुरका १ गरी २० टोलीको सहभागिता छ। रेसले पोखरामा चिनियाँ लगायत विभिन्न देशका पर्यटकको आगमन बढाउन सहयोगी हुने पोखरा महानगरपालिकाका मेयर धनराज आचार्यले बताए। प्रतियोगितामा ५ सय मिटर र २ सय मिटर दूरीको रेस हुने छ। रेसमा दुवै विधामा प्रथम हुने टिमले ५/५ हजार डलर पुरस्कार पाउने छन्।

यसैगरी दोस्रो हुनेले २ हजार र तेस्रो हुनेले १२ सय डलर पाउने छन्। अरू सहभागीलाई ५/५ सय डलर प्रदान गरिने छ। पुरस्कारमा मात्र २५ हजार डलर खर्च हुने छ। रेसमा खेलाडी, प्राविधिकसहित गरी २ सय भन्दा बढीको सहभागिता रहने बताइएको छ। पहिलो दिनको प्रतिस्पर्धामा अधिकांश विधामा चिनियाँ खेलाडी अगाडि रहेका छन्।

प्रतिक्रिया दिनुहोस्
अन्य समाचारहरु
। गोल्डेन ग्लोब अवार्ड विजेता हलिउड अभिनेता टेरेन्स स्ट्याम्पको ८७ वर्षको उमेरमा आइतबार निधन भएको छ । टेरेन्स ‘सुपरम्यान’ फ्रान्चाइजीको खलपात्र जनरल डजको भूमिकामा परिचित छन् । यसबाहेक, उनी द हन्टेड मेन्सन र मर्डर मिस्ट्रीजस्ता लोकप्रिय फिल्ममा देखा परे । स्ट्याम्पको परिवारले मृत्युको बारेमा आधिकारिक नोट जारी गरेको छ । त्यसमा लेखिएको छ, ‘टेरेन्स स्ट्याम्प एक अभिनेता ...
— सुपरस्टार म्याडोनाले पोप लियो चौधौंलाई तत्काल गाजाको यात्रा गर्न र त्यहाँका बालबालिकाको जीवनरक्षा गर्न आग्रह गरेकी छन् । सोमबार सामाजिक सञ्जालमा अपिल पोस्ट गर्दै उनले पोपलाई त्यस्तो आग्रह गरेकी हुन् । छोरा रोक्कोको जन्मदिनले उनलाई त्यो पोस्ट गर्न प्रेरित गरेको समेत म्याडोनाले उल्लेख गरेकी छन् । रोक्को सोमबार २५ वर्षका लागेका छन् । ‘परम आदरणीय फादर, कृपया गाजामा जानुहोस् ...
: काठमाडौंको बौद्धमा सोमबार रोपाई जात्रा धुमधामका साथ सम्पन्न भएको छ। हरेक वर्ष गाईजात्राको भोलिपल्ट बौद्धमा रोपाई जात्रा गर्ने गरिन्छ। प्रताप मल्लको पालाबाट बनाइँदै आएको रोपाई जात्रालाई आफूहरूले निरन्तरता दिँदै आएको स्थानीयहरूको भनाइ छ। झाँकीसहितको जात्रामा बौद्ध परिसरबाट रोपाई सुरु गरेर बौद्ध परिक्रमासँगै बौद्ध पिपलबोटदेखि टुसालसम्म पुगेको थियो। बौद्धको रोपाइँ जात्रामा खेतमा छ्यापेको हिलोको प्रतीकका रूपमा ...
। बलिउड अभिनेता दीपराज राणाले नेपाली फिल्म ‘सुख दुःख’मा अभिनय गर्ने भएका छन् । निर्मात्री नीता ढुङ्गानासँग उनले लिखित सम्झौता गरेका छन् । सिंघम रिटन्र्स, प्रेम रतन धन पायो, दबङ ३ सहित हालै रिलिज भएको ‘मेट्रो इन दिनो’मा उनको अभिनय छ । बिल्ली उस्ताद, सितारे जमीन परजस्ता फिल्ममा पनि अभिनय गरेका छन् । उनले यसअघि श्रीकृष्ण श्रेष्ठ ...
। विश्वचर्चित फिल्म ‘स्पाइडर-म्यान’को नयाँ श्रृंखलाको छायांकन ग्लास्गोमा सुरु भएको छ । प्राप्त भिडियो र तस्वीरमा अभिनेता टम हल्याण्डले छायांकन थलोमा प्रशंसकलाई भेटिरहेको देखिन्छ । नयाँ श्रृंखलाको नाम ‘स्पाइडर-म्यान : ब्राण्ड न्यू डे’ राखिएको छ । स्कटल्याण्डमा छायांकन भएको अभिनेता हल्याण्डको यो लगातार दोस्रो फिल्म हो । उनी गत महिना इन्भरनेस र मोरे वरपरका विभिन्न स्थानमा क्रिस्टोफर ...