— कांग्रेस नेता तथा पूर्वपर्यटनमन्त्री जीवनबहादुर शाहीले माफियाको चलखेल बढेका कारण नेपाल वायु सेवा निगम डुब्न लागेको बताएका छन् । कर्णालीका पूर्वमुख्यमन्त्रीसमेत रहेका शाहीले खलंगामा आइतबार आयोजित पत्रकार सम्मेलनमा आफू ६ महिना निलम्बनमा परेको र मुद्दामा सफाइ पाएपछि भेटघाटमा निस्किएको बताए ।
वाइडबडी खरिद प्रकरणमा विशेष अदालतबाट सफाइ पाएपछि नेता शाही कर्णालीका विभिन्न जिल्लाको भ्रमणमा निस्किएका छन् । ‘म संलग्न नै नभएको मुद्दामा मलाई जोड्ने प्रपञ्च असफल भएको छ,’ उनले भने ‘अब म थप सक्रिय भएर राजनीतिमा अघि बढ्नेछु । यसैका लागि जनता भेट्न निस्किएको हुा ।’
रुकुम र जाजरकोटका भूकम्पपीडितहरूका लागि सरकारले गर्नुपर्ने जति काम नगरेकोसमेत नेता शाहीले बताए । भूकम्पप्रभावित क्षेत्रका स्वास्थ्य संस्था, विद्यालय र सामुदायिक भवनको पुनर्निर्माणका लागि कर्णाली सरकारले २२ करोड विनियोजन गरेको र चााडै नै त्यसलाई कार्यान्वयनमा ल्याइने उनले बताए ।
