— म्यानचेस्टर युनाइटेडले आफ्नो लगातार चार खेलको हार क्रममा पूर्ण विराम लगाउँदै आइतबार इंग्लिस प्रिमियर लिगमा लिभरपुललाई २–२ को बहादुरीपूर्ण बराबरीमा रोकेको छ ।
एनफिल्डको यो नतिजाले लिभरपुलको उपाधि तर्फ उन्मुख यात्रामा धक्का पुगेको छ ।
लिभरपुललाई अझै पनि दोस्रोमा रहेको आर्सनलमाथि छ अंकको अग्रता प्राप्त छ र उसले एक खेल कम खेलेको छ । आर्ने स्लटका लागि आफ्नो घरेलु मैदानमा आत्मसात् गरेको नतिजा गुमेको अवसरका रूपमा रहनेछ ।
‘निश्चित रूपमा हामीले दुई अंक गुमाएका छौं,’ स्लटले भने । युनाइटेडले भने एनफिल्डमा छ वर्ष लामो गोल खडेरी पनि तोड्न सफल रह्यो । उसले लिसान्ड्रो मार्टिनेजको गोलले अग्रता लिएको थियो ।
त्यसपछि ८० औं मिनेटमा एमाड डिएलोले बराबरी गोल फर्काए । यसबीच लिभरपुलका लागि कोडी गाक्पो र मोहमद सलाहले गोल गरे । सलाहले पेनाल्टीबाट गोल गरेका हुन् । युनाइटेड भने एक बहुमूल्य अंकसँगै १३ औं स्थानमा उक्लेको छ ।
यो रेलिगेसन क्षेत्रबाट सात अंकको दूरी हो । खेलपछि युनाइटेडका कप्तान ब्रुनो फर्नान्डेजले भने, ‘आज हामीले जसरी खेल्यौं, त्यसरी नै अन्यत्र किन खेल्न सक्दैनौं, त्यसले मलाई दुःख लाग्छ ।’
आइतबारकै अर्को खेलमा फुलहम र इपस्विच टाउनले २–२ कै बराबरी खेलेका थिए ।
