: भोजपुरको षडानन्द नगरपालिकामा करेन्ट लागेर युवकको मृत्यु भएको छ। करेन्ट लागेर षडानन्द नगरपालिका-४ का २९ वर्षीय आशीष राईको मृत्यु भएको जिल्ला प्रहरी कार्यालय भोजपुरले जनाएको छ।
षडानन्द नगरपालिका-४, काभ्रेमा एलपी गाडीबाट बिजुलीको पोल अनलोड गर्ने क्रममा पोलले बिजुलीको तार छोएपछि अचानक करेन्ट लागेर राईको मृत्यु भएको हो।
उनलाई उपचारका लागि प्राथमिक स्वास्थ्य केन्द्र मुलपानीमा ल्याइएको थियो। उनको प्राथमिक स्वास्थ्य केन्द्र मुलपानीमा मृत्यु भएको प्रहरीले जनाएको छ। शव पोस्टमार्टमका लागि खाँदबारी लगिएको छ।
