— असमको एक कोइलाखानीमा पानी पसेर थुनिँदा ९ जना श्रमिक थुनिएका छन् । थुनिनेमा १ जना दुई जना नेपाली श्रमिकसमेत रहेका छन् । डिमा हासाओ जिल्लामा रहेको खानीमा अचानक पानी पसेर खानीको मुख थुनिँदा श्रमिकहरू थुनिएका हुन् ।
असमका मुख्यमन्त्री हिमन्त विश्व शर्माका अनुसार खानीमा थुनिने नेपालीमा गंगाबहादुर श्रेष्ठ रहेका छन् । उनी नेपालको कुन ठाउँमा हुन् भन्ने खुलिसकेको छैन। त्यस्तै पश्चिम बंगालका सञ्जित सरकार पनि खानीमा थुनिएका छन् । असमका नेपालीभाषी लिजन मगरसहित हुसैन अली, जाकिर हुसेन, सर्प बर्मन, मुस्तफा शेख, खुशीमोहन राय र शरत गोयारी पनि खानीमा थुनिएका छन् ।
खानीमा थुनिएकामध्ये तीन जनाको शव देखिएको बताइएको छ । यद्यपि अधिकारीहरूले यसको पुष्टि गर्न बाँकी छ । गहिरो पानीमा डुब्न सक्ने सेनाको विशेषज्ञ टोलीलाई विशाखापट्टनमबाट बोलाएर परिचालन गरिएको छ । खानीभित्र पानीको सतह करिब १०० फिट पुगेको जनाइएको छ ।
