— जोसुआ जिरकेजीले पेनाल्टीमा निर्णायक गोल गरेपछि म्यानचेस्टर युनाइटेडले आइतबार आर्सनललाई टाइब्रेकरमा ५–३ ले हराएको छ । यससँगै डिफेन्डिङ च्याम्पियन युनाइटेड प्रतियोगिताको चौथो चरण पनि पुगेको छ ।
इमिरेट्समा भएको खेलमा युनाइटेड दस खेलाडीमा सीमित रहेको थियो । डिएगो डलोट दोस्रो पहेँलो कार्डमा मैदान छाड्न बाध्य रहे र युनाइटेडले एक घण्टाको खेल समय एक खेलाडी कम रहेको स्थितिमा खेलेको थियो ।
निर्धारित समयको खेल भने १–१ को बराबरीमा रहेको थियो । ब्रुनो फर्नान्डेजले युनाइटेडका लागि पहिलो गोल गरेपछि ग्याब्रिएल मागल्हेसले घरेलु टिमका लागि बराबरी गोल फर्काए ।
प्रतियोगिताको तेस्रो चरणका अन्य खेलमा टोटनहमले टामवर्थलाई ३–०, क्रिस्टल प्यालेसले स्कटपोर्टलाई १–०, इपस्विच टाउनले ब्रिस्टल रोबर्सलाई ३–० र न्युकासल युनाइटेडले ब्रोमलीलाई ३–१ ले हरायो ।
