— एपीएफले एन्फा वुमेन्स लिगको दोस्रो चरणमा बागमतीलाई ६–० ले पराजित गरेको छ । एपीएफको जितमा रश्मिकुमारी घिसिङ र सरु लिम्बूले २/२ गोल गरे । अर्को गोल प्रीति राईको नाममा रह्यो ।
यो जितपछि दोस्रो चरणमा एपीएफको पाँच खेलबाट १५ अंक भएको छ र शीर्ष स्थानमा । बागमती भने ३ अंकमै सीमित छ र चौथो स्थानमा छ । सातदोबोटोको एन्फा कम्प्लेक्समा भएको खेलमा एपीएफले ४२ औं मिनेटमा पहिलो गोल गरेको हो ।
यसक्रममा रश्मिले गोलको खाता खोलेकी हुन् । पहिलो हाफको इन्ज्युरी समयको दोस्रो मिनेटमा उनले दोस्रो गोल गरिन् । सरुले ५६ औं मिनेटमा तेस्रो गोल गरिन् । प्रीतिले ८८ औं मिनेटमा अर्को गोल गरिन् ।
दोस्रो हाफको इन्ज्युरी समयको पहिलो मिनेटमा सरुले पाँचौं गोल गरिन् । अब बिहीबार पुलिस र आर्मीबीच खेल हुनेछ ।
