मुख्य समाचार
नेपालआईसीसी यू–१९ महिला ट्वान्टी–२० विश्वकप क्रिकेटको ‘सुपर फोर’ मा पुग्न कठिन
नेपाल आईसीसी यू–१९ महिला ट्वान्टी–२० विश्वकप क्रिकेटको ‘सुपर फोर’ मा पुग्न कठिन

— नेपालको आईसीसी यू–१९ महिला ट्वान्टी–२० विश्वकप क्रिकेटको दोस्रो चरणमा पुग्ने सम्भावना निकै कमजोर बनेको छ । मलेसियामा भइरहेको प्रतियोगितामा स्कटल्यान्डले सोमबार नेपाललाई नाटकीय खेलमा १ विकेटले हरायो ।


नेपालको यो लगातार दोस्रो हार हो । नेपाल पहिलो खेलमा बंगलादेशसँग ५ विकेटले पराजित भएको थियो । नेपालले अब बुधबार अस्ट्रेलियासँग खेल्नेछ । समूह ‘डी’ मा अस्ट्रेलियाको ४ तथा बंगलादेश

र स्कटल्यान्डको २–२ अंक छ । नेपाल अंकविहीन छैन । समूहका शीर्ष तीन टोली ‘सुपर फोर’ मा पुग्ने प्रावधान छ । स्कटल्यान्ड र बंगलादेश समूह चरणको अन्तिम खेलमा प्रतिस्पर्धा गर्नेछन् । पहिलो पटक यू–१९ महिला ट्वान्टी–२० विश्वकप खेलिरहेको नेपालले अन्तिम खेलमा अस्ट्रेलियालाई पराजित गरेमा मात्र ‘सुपर फोर’ पुग्ने झिनो सम्भावना रहन्छ । वाईएसडी यूकेएम क्रिकेट ओभलमा रचना चौधरीले १७ औं ओभरमा पिपा स्प्रोल र माइसे माकेइरालाई आउट गर्दा ७४ रनको विजय लक्ष्य पाएको स्कटल्यान्ड ५८–९ को स्थितिमा पुग्यो । तर, ग्याब्रियला फोन्टेनला र क्रिस्टी म्याकोलको अन्तिम जोडीले अविजित १६ रनको साझेदारी गरेर स्कटल्यान्डलाई रोमाञ्चक विजय दिलाए ।

फोन्टेनला ९ बलमा १ चौकासहित १२ र म्याकोल ४ बलमा १ चौकासहित ६ रनमा अविजित रहे । स्प्रोलले स्कटल्यान्डबाट सर्वाधिक ३५ रन बनाइन् । उनले ४७ बल खेल्दै ३ चौका प्रहार गरिन् । नेपालबाट रचना र सिमानाले २–२ तथा कप्तान पूजा महतो र कृष्मा गुरुङले १–१ विकेट लिए । रचनाले ३ ओभरमा १३ र सिमानाले ४ ओभरमा १६ रन खर्चेका थिए ।

यसअघि टस जितेर ब्याटिङ रोजेको नेपाल १८.५ ओभरमा ७३ रनमा अलआउट भयो । पूजाले सर्वाधिक २७ रन बनाइन् । उनले ४३ बल खेल्दै ३ चौका प्रहार गरिन् । ओपनर सावित्री धामीले ११ बलमा १ चौकासहित १० रन बनाइन् । उपकप्तान सोनी पाख्र्रिनविना खेलेको नेपालबाट अन्यले दोहोरो अंकमा रन बनाउन सकेनन् ।

सना प्रविन १, ज्योत्सनिका मरासिनी र किरण कुँवर ४–४, कृष्मा २, सिमाना १, एलिसा यादव ३, रचना शून्य र रिया शर्मा २ रनमा आउट भए । अनु कडायत ५ रनमा अविजित रहिन् । स्कटल्यान्डबाट माकेइराले ५ विकेट लिइन् । उनले ३.५ ओभरमा १५ रनमात्र खर्चेकी थिइन् । एमी बाल्डी र नायमा शेखले २–२ विकेट लिए ।

प्रतिक्रिया दिनुहोस्
अन्य समाचारहरु
। चीनको युनान फुटबल टोलीसँग शनिबार भएको मैत्रीपूर्ण फुटबल खेलका दौरान नेपाली खेलाडी आशिष राई चोटग्रस्त बनेका छन् । खेलको ३७औं मिनेट चलिरहँदा विपक्षी खेलाडी मोरी डेलेले ट्याकल गर्दा दुवैजना लडेका थिए । सो क्रममा आशिषको भने बाँया खुट्टा विभिन्न ठाउँमा (मल्टिपल फ्र्याक्चर) भाँचिएको एन्फाले जनाएको छ । उनको अहिले अस्पतालमा उपचार सुरू भइसकेको छ । चिनियाँ ...
। मिकेल मेरिनोले अन्तिम दश मिनेट भित्र दुई गोल गरेपछि आर्सनलले इंग्लिस प्रिमियर लिगमा लेस्टर सिटीलाई २-० ले पराजित गरेको छ । शनिबार साँझ भएको खेलमा आर्सनलले लेस्टरलाई उसैको मैदानमा हराएको हो । लेस्टरले घरेलु मैदानमा ८० मिनेटसम्म आर्सनललाई गोलरहित बराबरीमा रोकेको थियो । तर आर्सनलका मेरिनोले अन्तिम दश मिनेटमा दुई गोल गरे । उनले ...
। ओमर मरमाउशको शानदार ह्‍याट्रिक मद्दतले म्यान्चेस्टर सिटीले इंग्लिस प्रिमियर लिगमा न्युकासल युनाइटेडमाथि फराकिलो जित निकालेको छ । शनिबार राति भएको खेलमा सिटीले न्युकासललाई ४-० गोलअन्तरले हराएको हो । सिटीको जितमा मरमाउशले पहिलो हाफमै ह्‍याट्रिक गरेका थिए । उनी केही साताअघि मात्र सिटीमा अनुबन्ध भएका खेलाडी हुन् । मरमाउशले १९औं, २४औं र ३३औं मिनेटमा ह्‍याट्रिक गर्दै सिटीलाई ...
। स्पेनिस लालिगा फुटबलमा रियल मड्रिड बराबरीमा रोकिएको छ । १० खेलाडीमा सीमित रियल मड्रिडलाई ओसासुनाले १-१ को बराबरीमा रोकेको हो । पहिलो हाफमा अग्रता लिएको भएपनि रियलले दोस्रो हाफमा पेनाल्टीमार्फत अग्रता गुमाएको थियो । त्यसपछि गोल गर्न नसक्दा रियलले लगातार दोस्रो बराबरी खेलेको हो । १५औं मिनेटमा किलियन एमबापेले गोल गर्दै रियललाई अग्रता दिलाएका थिए । ...
। नेपाल क्रिकेट संघ (क्यान)ले पुरूष राष्ट्रिय क्रिकेट टिमको मुख्य प्रशिक्षकका लागि आवेदन खुलाएको छ । क्यानले शनिबार सूचना निकाल्दै आवेदन खुलाएको हो । क्यानले ईसीबी वा क्रिकेट अस्ट्रेलियाको लेभल ३ वा सो सरहको मान्यता भएको योग्यतासहित ५ वर्षको प्रशिक्षण अनुभव भएको व्यक्ति माग गरेको छ । साथै एसोसियट राष्ट्रको खेल गतिविधिबारे जानकार भएको व्यक्ति हुनुपर्ने उल्लेख ...