मुख्य समाचार
नेपाल क्रिकेट संघ (क्यान)ले मुख्य प्रशिक्षक मोन्टी देशाईको बिदाइ गरे
नेपाल क्रिकेट संघ (क्यान)ले मुख्य प्रशिक्षक मोन्टी देशाईको बिदाइ गरे

: नेपाल क्रिकेट संघ (क्यान)ले मुख्य प्रशिक्षक मोन्टी देशाईको बिदाइ गरेको छ। नेपाली राष्ट्रिय टोलीका मुख्य प्रशिक्षक देशाईको बिदाइ गरेको क्यानले जनाएको छ।


क्यानका प्रवक्ता छुम्बी लामाले मुख्य प्रशिक्षक देशाईको दुई वर्षे कार्यकाल समाप्त भएको र क्यानले उक्त सम्झौता नवीकरण नगर्ने निर्णय गरेको बताएका छन्। 'मोन्टी देशाईलाई २ वर्षे कार्यकाल रहनेगरी नियुक्त गरिएकोमा निजको सम्झौता समाप्त भएको व्यहोरा अवगत नै छ। नेपाल क्रिकेट संघले उक्त सम्झौता नवीकरण नगर्ने निर्णय गरेको व्यहोरा सम्पूर्णमा जानकारी गराउन चाहन्छौं,' प्रवक्ता लामले विज्ञप्ति जारी गर्दै भनेका छन्।

क्यानले मोन्टीको प्रशिक्षणमा नेपाली राष्ट्रिय टोलीले गरेको प्रदर्शनको सराहना गरेको छ। मोन्टीको 'वान बल ब्याटल' र 'ह्याप्पी ड्रेसिङ' रूमलाई पनि क्यानले तारिफ गरेको छ। मोन्टीकै प्रशिक्षणमा नेपाली राष्ट्रिय टोलीले एक दिवसीय मान्यता बचाउनेदेखि एसिया कप र विश्वकप खेलेको भन्दै क्यानले सराहना गरेको हो।




भारत र पाकिस्तानजस्ता टिमसँग खेल्ने अवसर पनि मोन्टीकै प्रशिक्षणकालमा सफल भएको क्यानले जनाएको छ। नेपाली क्रिकेट जगतमात्र होइन, १२औं खेलाडीको रूपमा रहेको नेपाली क्रिकेट प्रेमीहरूले पनि सधैं सम्झिरहने भन्दै मोन्टीलाई क्यानले प्रशंसा गरेको छ।

प्रतिक्रिया दिनुहोस्
अन्य समाचारहरु
। चीनको युनान फुटबल टोलीसँग शनिबार भएको मैत्रीपूर्ण फुटबल खेलका दौरान नेपाली खेलाडी आशिष राई चोटग्रस्त बनेका छन् । खेलको ३७औं मिनेट चलिरहँदा विपक्षी खेलाडी मोरी डेलेले ट्याकल गर्दा दुवैजना लडेका थिए । सो क्रममा आशिषको भने बाँया खुट्टा विभिन्न ठाउँमा (मल्टिपल फ्र्याक्चर) भाँचिएको एन्फाले जनाएको छ । उनको अहिले अस्पतालमा उपचार सुरू भइसकेको छ । चिनियाँ ...
। मिकेल मेरिनोले अन्तिम दश मिनेट भित्र दुई गोल गरेपछि आर्सनलले इंग्लिस प्रिमियर लिगमा लेस्टर सिटीलाई २-० ले पराजित गरेको छ । शनिबार साँझ भएको खेलमा आर्सनलले लेस्टरलाई उसैको मैदानमा हराएको हो । लेस्टरले घरेलु मैदानमा ८० मिनेटसम्म आर्सनललाई गोलरहित बराबरीमा रोकेको थियो । तर आर्सनलका मेरिनोले अन्तिम दश मिनेटमा दुई गोल गरे । उनले ...
। ओमर मरमाउशको शानदार ह्‍याट्रिक मद्दतले म्यान्चेस्टर सिटीले इंग्लिस प्रिमियर लिगमा न्युकासल युनाइटेडमाथि फराकिलो जित निकालेको छ । शनिबार राति भएको खेलमा सिटीले न्युकासललाई ४-० गोलअन्तरले हराएको हो । सिटीको जितमा मरमाउशले पहिलो हाफमै ह्‍याट्रिक गरेका थिए । उनी केही साताअघि मात्र सिटीमा अनुबन्ध भएका खेलाडी हुन् । मरमाउशले १९औं, २४औं र ३३औं मिनेटमा ह्‍याट्रिक गर्दै सिटीलाई ...
। स्पेनिस लालिगा फुटबलमा रियल मड्रिड बराबरीमा रोकिएको छ । १० खेलाडीमा सीमित रियल मड्रिडलाई ओसासुनाले १-१ को बराबरीमा रोकेको हो । पहिलो हाफमा अग्रता लिएको भएपनि रियलले दोस्रो हाफमा पेनाल्टीमार्फत अग्रता गुमाएको थियो । त्यसपछि गोल गर्न नसक्दा रियलले लगातार दोस्रो बराबरी खेलेको हो । १५औं मिनेटमा किलियन एमबापेले गोल गर्दै रियललाई अग्रता दिलाएका थिए । ...
। नेपाल क्रिकेट संघ (क्यान)ले पुरूष राष्ट्रिय क्रिकेट टिमको मुख्य प्रशिक्षकका लागि आवेदन खुलाएको छ । क्यानले शनिबार सूचना निकाल्दै आवेदन खुलाएको हो । क्यानले ईसीबी वा क्रिकेट अस्ट्रेलियाको लेभल ३ वा सो सरहको मान्यता भएको योग्यतासहित ५ वर्षको प्रशिक्षण अनुभव भएको व्यक्ति माग गरेको छ । साथै एसोसियट राष्ट्रको खेल गतिविधिबारे जानकार भएको व्यक्ति हुनुपर्ने उल्लेख ...