: गौशालाको शिवभक्तिखोरमा एक युवतीको हत्या भएको छ। गौशाला- ८ का अभिषेक यादवकी २१ वर्षीय श्रीमती खुश्वुकुमारी यादवको गए राति हत्या भएको हो।
ईलाका प्रहरी कार्यालय गौशालाले दिएको जानकारी अनुसार पारिवारिक विवादका कारण खुश्वुको हत्या भएको छ। हत्यापश्चात अभिषेक लगायत उनका घरपरिवार फरार रहेका छन्।
उनीहरुको खोजीकार्य भइरहेको जिल्ला प्रहरी कार्यालय महोत्तरीका प्रहरी नायव उपरीक्षक सन्तुलाल प्रसाद जयसवारले जानकारी दिए। मृतकको शव पोस्टमार्डमका लागि जलेश्वर पठाउने तयारी भइरहेको उनले बताए।
मृतकका माइतीपक्षका अनुसार गत विवाह पञ्चमीका दिन खुश्वुको विवाह गौशाला- ८ का अभिषेक यादवसँग भएको थिए। विवाहपछि खुश्वु माइती घर फर्केर गएकी थिइनन्।
