। बाबुराम भट्टराई नेतृत्वको नेपाल समाजवादी पार्टी (नयाँ शक्ति)को विद्यार्थी संगठन नयाँ शक्ति विद्यार्थी युनियनको अध्यक्षमा बलबहादुर रम्तेल निर्वाचित भएका छन्।
शुक्रबार कीर्तिपुरमा भएको दोश्रो राष्ट्रिय सम्मेलनले रम्तेल निर्वाचित भएका हुन् । उपाध्यक्ष खुलामा ओमनारायण महतो र भरत ढकाल निर्वाचित भएका छन् ।
उपाध्यक्ष खसआर्यमा विशाल तिमिल्सिना र पिछडिएको क्षेत्रबाट सुभाष न्यौपाने, दलितबाट सन्तोष नेपाली, मुस्लिम महिलबाट नागमा मिकरानी र आदिवासी जनतजाती महिलाबाट मिना राई निर्वाचित भएका छन् ।
महासचिवमा खुलाबाट अनिल कुमार पटेल र महिला अनिवार्यमा आस्था नेपाली निर्वाचित भएका छन् । उपमहासचिव सुनिल धिताल र पशुपति ठाकुर निर्वाचित भएका छन् ।
सचिवमा टेकराज कडेल, सुजन गर्तौला र रमेश देवकोटा निर्वाचित भएका छन् । कोषाध्यक्षमा सुरेन्द्र यादव निर्वाचित भएका छन् ।
दोस्रो राष्ट्रिय सम्मेलनले नेपाल समाजवादी विद्यार्थी युनियनको नाम परिवर्तन गरेर नयाँ शक्ति विद्यार्थी युनियन बनाउने निर्णय गरेको नवनिर्वाचित अध्यक्ष रम्तेलले बताए ।
