। विश्व संगीतको सर्वोच्च अवार्ड ग्रामी नेपाली समयानुसार सोमबार बिहान अमेरिकाको लस-एन्जलसमा सम्पन्न भएको छ । ‘नट लाइक अस’ गीतबाट ५ विधा जित्दै र्याप संगीतका चर्चित केन्ड्रिक लामारले यसपटक बाजी मारे ।
वर्षकै उत्कृष्ट गीत, रेकर्ड अफ द इयर, उत्कृष्ट र्याप गीत, बेस्ट र्याप पर्फमेन्स र उत्कृष्ट म्युजिक भिडियो विधामा उनले अवार्ड जिते । रेकर्ड अफ द इयर विधामा उनले बिटल्स, बियोन्से, चार्ली एक्ससीएक्स, बिली एलिस, सवरिना कार्पेन्टर, टेलर स्विफ्ट र चपेल रोनलाई समेत उछिने ।
लस-एन्जलसको क्रिप्टो एरिनामा आयोजित ६७ औं ग्रामीको शीर्ष विधाको प्रतिस्पर्धामा महिलाको वर्चस्व थियो । तर, बियोन्सेबाहेक कसैले अवार्ड जित्न सकेनन् । ११ विधामा मनोनयन भएकी बियोन्सेले ३ विधामा अवार्ड जितिन् ।
उनको पछिल्लो एल्बम ‘काउब्याय कार्टर’ वर्षकै उत्कृष्ट एल्बम घोषित भयो । सन् १९९९ पछि यो विधामा जित्ने उनी पहिलो अश्वेत महिला बनिन् । कुन विधामा कसले जिते ?
रेकर्ड अफ द इयर- नट लाइक अस (केन्ड्रिक लामार)
एल्बम अफ द इयर- काउब्याय कार्टर (बियोन्से)
सङ अफ द इयर- नट लाइक अस (केन्ड्रिक लामार)
उत्कृष्ट नयाँ कलाकार- चपेल रोन
उत्कृष्ट पप एकल प्रस्तुति- एस्प्रेस्सो (सरविना कार्पेन्टर)
उत्कृष्ट संयुक्त पप प्रस्तुति– डाइ विथ अ स्माइल (लेडी गागा र ब्रुनो मार्स)
उत्कृष्ट रक प्रस्तुति– नाउ एण्ड देन (बिटल्स)
उत्कृष्ट रक एल्बम– हाक्नी डायमण्ड्स (द रोलिङ स्टोन्स)
उत्कृष्ट र्याप प्रस्तुति- नट लाइक अस (केन्ड्रिक लामार)
उत्कृष्ट र्याप गीत- नट लाइक अस (केन्ड्रिक लामार)
उत्कृष्ट कन्ट्री गीत- काउब्याय कार्टर (बियोन्से)
